web counter
LEXO PA REKLAMA!

SHKARKO APP

App Store
Google Play

Do ta dekretojë ligjin e censurës ndaj mediave?/ Ja si përgjigjet Meta

18 Dhjetor 2019, 11:34, Politikë CNA

Presidenti Ilir Meta ka reaguar sot në lidhje me paketën e censurës kundër mediave të propozuar nga qeveria.

Në një prononcim për Ora News, Meta është pyetur nëse do ta dekretojë këtë ligj.

Kreu i shtetit tha se shpreson të mos bëhen veprime të nxituara, dhe shtoi se çdo veprim do të jetë transparent.

?Të shohim si do të jenë zhvillimet. Unë shpresoj të mos bëhen veprime të nxituara. Çdo veprim i imi do të jetë institucional dhe do të jetë transparent, por nuk mund të gjykoj asgjë.?-tha Meta.

Sa i takon tubimit të parlajmëruar në mbojtje të Kushtetutës, e cila u shty për shkak të tërmetit, Meta tha se ?Unë e mbroj Kushtetutën çdo ditë edhe në çdo moment, që nga çasti që kam vënë dorën mbi Kushtetutë, sepse kjo është detyra kryesore e Presidentit të Republikës.

Padyshim që kjo nuk është vetëm detyrë e Presidentit, por është e të gjithë popullit shqiptar, i cili e ka miratuar Kushtetutën me referendum më 22 nëntor të vitit 1998 dhe i cili për fat të keq që nga ajo periudhë e deri më tani ka lejuar t?i preket Kushtetuta në kohë të ndryshme, duke tronditur themelet e shtetit të së drejtës, gjë që ndihet sot nga të gjithë qytetarët shqiptarë.

Presidenti së bashku me qytetarët do të përforcojnë themelet e Kushtetutës, që u votua më 22 nëntor 1998. Kjo është detyra ime dhe është detyra e të gjithëve ne.?/ CNA.al





Lajmet e fundit nga