Astrit Patozi i bashkohet protestës/ Historia e ka treguar, media fiton betejen me politikën

18 Dhjetor 2019, 09:46, Politikë CNA

Ndërsa Kuvendi pritet që sot të votojë paketen e censurës kundër medias, gazetarët janë mbledhur në protestë para parlamentit.

Ndërkohë, protestës së gazetarëve i është bashkuar edhe kordinatori i Bindjes Demokratike, Astrit Patozi.

Në një prononcim për mediat, Astrit Patozi theksoi se historia e ka treguar se betejën me politikën e fiton gjithmonë media.

?Këtu jemi në rastin e represionit dhe unë jam i bindur se historia e ka treguar se betejen me politikën, përherë e ka fituar media?.-tha Patozi.

Po ashtu ai ka thënë se ?Sot është dita e mediave, kauza e tyre. Kam ardhur për solidaritet, pasi nuk më ka ngordhur nervi i gazetarit. Ky është ligj i padobishëm, në kohën më të papërshtatshme, në mëmyrën më të keqe. Shqipëria nuk ka emergjencë çështjen e rregullimit të mediave. Pëpjekje e Qeverisë për të kontrolluar një pushtet por është ajo që duhet të kontrollohet. Ky ligj sado i keq dhe i parefrmuar, nuk do të ketë efekte dramatike por do të shpërfillet nga gazetarët dhe shoqëria pasi mendoj se shtypit shqiptar të këqiat më të mëdha i kanë ardhur nga përpjekja e qeverive për t?i blerë ato. Jam i bindur se historia e ka treguar se sa here që ka pasur një betejë midis politikës dhe shtypit, shtypi është ai që ka fituar. Si Parti Politike e vetmja gjë që mund të bëjmë pasi kemi vetlm një vote në Parlament?.

Patozi është pyetur edhe nëse mendon se mazhoranca do të tërhiqet nga ky projektligj.

?Kam një shpresë të vakët që ndoshta kryeministri do bëjë llogari politike për ta bërë këtë, por mënyra si është shpreh dje krijoi bindjen se ky ligj do miratohet?-tha Patozi.

Gjithashtu, ai shtoi se “Ne duhet të luftojmë për një Shqipëri tjetër që të ketë një Kryeministër me thonjë të prerë dhe jo të shndërruar në një përbindësh.”/ CNA.al