E fundit!

13:08 Aktualitet

Vrasja e efektivit/ Xhaxhai i Enea Mekollit ngre akuza: Ishin pa asnjë lloj mbrojtjeje

Xhaxhai i efektivit të vrarë, Enea Mekolli, Hazbi Mekolli,...

Berisha mesazh të fortë në Ditën e Rinisë/ Ngrihuni të frymëzuar, të përmbysim sa më parë rregjimin e Edi Ramës

8 Dhjetor 2019, 11:03, Politikë CNA

Sot në ditën e Rinisë, ish kryeministri Sali Berisha është kthyer 29 vite mbrapa nga dita kur rinia studentore ndau epokat dhe vendosi pluralizmin politik.

Berisha rrëfen lëvizjen e studentëve të vitit 1990 të cilët ?të udhëhequr nga tribuni legjendar, studenti Azem Hajdari u ngritën me guxim të jashtëzakonshëm në Tiranë në lëvizjen studentore për të përmbysur diktaturën komuniste më të egër në Europë?.

?Revolucioni Demokratik që nisi më 8 dhjetor, me shpejtësi do të shndërrohej në lëvizjen më të fuqishme paqësore në historinë e vendit dhe, në një hark kohor të shkurter prej 72 orësh, me mbështetje të fuqishme të intelektualëve dhe qytetarëve të Tiranës do gjunjëzonte rregjimin komunist dhe do t?i impononte atij pranimin e pluralizmit politik në Shqipëri.
Gjer në mëngjesin e 8 dhjetorit te vitit 1990 shqiptarët në Shqipëri përjetonin shtypjen e diktaturës më të egër, ndërsa shqiptarët në Kosovë, Maqedoni, Mal të zi dhe Serbi jetonin pushtimin e barbar serb dhe kishin mbetur kolonia e fundit ne Europë. Lëvizja studentore e dhjetorit 1990 hodhi themelet e lirisë dhe ndërtimit të shoqërisë së lirë neë Shqipëri të daljes se vendit nga izolimi, te hapjes dhe integrimit europian dhe euroatllantik të tij. Kjo lëvizje, çështjen kombëtare, nga një çeshtje të tradhetiar nga klika hoxhiste, e vendosi në piedestalin e merituar për zgjidhjen e saj?, shkruan Berisha.

Sipas ish kryeministrit, idealët e rinisë studentore të dhjetorit 1990 ishin dhe mbeten idealet më të larta më fisnike, njerëzore dhe kombëtare të shqiptarëve.

?Sot përsëri në këtë udhëkryq të rrezikshëm në të cilën ndodhet Shqipëria, shpresa e vetme për të përmbysur regjimin e kakistokracise të Edvin Kristaq Mafise është rinia e Shqipërisë. Ndaj dhe duke i uruar asaj gëzuar këte ditë, ju bëj thirrje të rinjve shqiptar të ngrihen të frymezuar nga kjo Ditë e Lirisë në lartësinë e idealeve të tyre dhe të përmbysim sa më parë rregjimin e Edvin Kristaq Mafise dhe narkomafies se tij shtetërore.
Nderim përjetë Azem Hajdarit dhe studentëve libertor të Dhjetorit 1990?, shkruan mes të tjerash Berisha./CNA.al