Menaxhimi i gjendjes së jashtëzakonshme/ Berisha: Ishte një çorganizim i organizuar

5 Dhjetor 2019, 19:45, Politikë CNA

Ish kryeministri Sali Berisha shprehet se menaxhimi i gjendjes së jashtëzakonshme ishte një çorganizim i organizuar.

Sipas Berishës, kryeministri Edi Rama pohoi sot duke rrahur gjoksin se për një javë rresht nuk kishte fond fillestar për përballimin e nevojave të gjendjes së jashtëzakonshme.

?Miq, që ditët e para konstatoja se menaxhimi i gjendjes së jashtëzakonshme ishte një çorganizim i organizuar, të cilin Edvini dhe narkozyrtarët e tij përpiqeshin ta mbulonin me një llogare të neveritshme të pandalshme televizive ndërkohë që nuk ishte caktuar as dhe një qindrake e vetme fond financiar për të mbështetur nevoja me urgjente të pasojave të tërmetit. Për këtë arsye ndihmat mungonin masivisht, shpërndarje e tyre ishte me e keqja e mundshmja, evidentimi i dëmtimeve dhe verifikimi i banesave ecën me ritme breshke akoma janë qindra në mos mijëra banesa të dëmtuara me banorët e të cilave nuk ka kontaktuar njeri?, shkruan Berisha.

Sipas ish ish kryeministrit vetëm sot, Rama u kujtua se fondi financiar është jetik dhe deklaroi se eshte caktuar nje fond fillestar prej 20 miliard lekesh.

?Vetëm sot Edvini u kujtua se fondi financiar është jetik dhe deklaroi se është caktuar një fond fillestar prej 20 miliard lekësh, nga të cilat 13 miliard lek nga buxheti dhe se që sot do të fillojë alokimi i tij duke mos treguar asnjë VKM për sa tha.
Le të shohim, ndonëse unë personalisht kam bindje se ky është thjesht mashtrimi i radhës në kurriz të më të mjerëve të kesaj toke?, shkruan më tej Berisha./CNA.al