Rama “i vë vulën” vendimit të Bashkisë/ Tre konviktet me familjarë në QS do shemben

5 Dhjetor 2019, 19:41, Politikë CNA

Kreu i qeverisë Edi Rama mbështeti vendimin e Bashkisë së Tiranës për shembjen e tre godinave me familjarë në Qytetin Studenti, teksa tha se familjet që jetojnë në to nuk do të hidhen në rrugë, por do të kalojnë në banesa me qira.

Rama deklaroi pak momente më parë se në vend të godinave do të ndërtohet Kampusi universitar, ndërsa nuk la pa komentuar edhe zbukurimet e qytetit.

?E konsideroj me shumë me vend, vendimin për prishjen e atyre tre konvikteve në Qytetin Studenti. Këto familje nuk do të hidhen në rrugë. Do të marrin qira si të gjithë të tjerët. Pas një zbatimit 30-vjeçar, ato konvikte do të prishen. 30 vjet është boll, do lënë dhomën në Qytetin e Studentit për të marrë një apartament në qytet. Ato 3 konvikte do të prishen. Në Qytetin Studenti do të ndërtohet Kampusi universitar. Mos të krijojnë iluzione nga ata që s’dinë të bëjnë gjë tjetër. Ne nuk tërhiqemi para nevojës për zhvillim. Zbukurimi i qytetit duhet të bëhet kudo pasi nevoja për tu kthyer në normalitet është e nevojshme, pasi mërzia nuk ndihmon. Kopshtet kanë filluar t’i kthehen normalitetit edhe kopshtet po ashtu. Të hënën fillon edhe shkolla në Tiranë, bashkia t’i qëndrojë pranë nxënësve. Kurajo, energji, forcë se është një moment i një krize të madhe që ka në përmbajtjen e vet një mundësi për të gjithë, për të dalë më të fortë, dhe që të gjithë ata që humbën shtëpinë, kur të kthehen në normalitet të kthehen në kornizë të jetuari me standarde më të mira se ato që kishin”, u shpreh kryeministri në mbledhjen me Këshillin Bashkiak./ CNA.al