web counter
LEXO PA REKLAMA!

SHKARKO APP

App Store
Google Play

E fundit!

x

Ahmetaj tregon planet e qeverisë/ Brenda krishtlindjeve do të pastrojmë qytetet, ja hapi i radhës

4 Dhjetor 2019, 21:14, Politikë CNA

?Brenda krishtlindjeve do të pastrojmë qytete si Durrësi, Kavaja etj.? Kështu premtoi ish-ministri i Financave Arben Ahmetaj, teksa ishte i ftuar në emisionin ?Real Story?.

Ahmetaj tha se qeveria do të ndërtojë qyteza urbane në Durrës, Tiranë, Thumanë dhe Lezhë, si dhe deklaroi se asnjë familje e prekur nga tërmeti nuk do të lihet jashtë.

?Do të bëjmë vlerësimin me ekspertë dhe specialistë.  Ne mendojmë se janë rreth 5000 familje që nuk do munden të kthehen më në shtëpinë e tyre, por vlerësimi do e tregojë. Mund të ketë shumë më shumë, sepse lëvizja është gjithmonë e në rritje. Ne kemi riformatuar paketën e rindërtimit.  Do ketë qyteza urbane në Durrës. Nuk do lihet asnjë qytetar, asnjë familje jashtë. Po do ndërtohen qyteza urbane në Durrrës, në Tiranë, te ish-zona e Auto-traktorit dhe Kombinat, Thumanë dhe në Lezhë”, u shpreh ish-ministri.

Ahmetaj tha se dëmi mendohet se shkon nga 500- 600 milionë euro, por theksoi se kjo është një shifër me hamendësim dhe se nuk do që të nxitohet.

?Që në datë 27 nëntor janë strehuar njerëzit në hotele. Në këtë situatë, të të them se jemi optimist është e tepërt. Unë dua të ndaj gjithë përpjekjen e qeverisë dhe të gjithë qytetarët që janë gjendur pranë të prekurve në këto ditë të rënda, apo gazetarë që kanë kontribuuar në ringritjen e shoqërisë. Kjo shoqëri me kontribut nga të gjitha palët ringrihet për të kapur ritmin e jetës. Të gjitha familjet me viktima janë pajisur me një shtëpi. Mendohet se dëmi shkon edhe 500- 600 milionë euro dëme. Ne kemi menduar për strehimin për qytetarët?, tha ai./ CNA.al





Lajmet e fundit nga