web counter
LEXO PA REKLAMA!

SHKARKO APP

App Store
Google Play

Meta me Haradinajn dhe Harizin në Gjilan/ Faleminderit popullit të Kosovës për mikpritjen

4 Dhjetor 2019, 20:12, Politikë CNA

Presidenti Ilir Meta ka publikuar një foto nga vizita e tij në komunën e Gjilanit, ku së bashku me kryeministrin e Kosovës në detyrë Ramush Haradinajn takuan kryekomunarin e Gjilanit Lutfi Hazirin.

Meta falenderon të gjithë shqiptarët e Kosovës për mbështetjen që i kanë ofruar popullit tonë në këto ditë të vështira pas tërmetit të 26 nëntorit.

?Së bashku me Kryeministrin e Kosovës, z.Ramush Haradinaj vizitova sot Komunën e Gjilanit, për të falenderuar kryetarin Lutfi Haziri dhe të gjithë popullin e Gjilanit për solidaritetin, kujdesin, ndihmën dhe mikpritjen për dhjetëra familje nga Shqipëria, të prekura rëndë nga tërmeti shkatërrimtar i 26 nëntorit.

Kjo fatkeqësi natyrore që rrëzoi jo pak ndërtesa në Shqipëri, dëshmoi solidaritetin mbarëkombëtar, jashtëzakonisht të fortë, që është garanci për të tejkaluar sa më parë këto dhimbje dhe të gjitha pasojat, siç është dëshmuar edhe në të kaluarën?, shkruan Meta në rrjetet sociale.

Ndërkohë gjatë ditës së sotme, Presidenti ka takuar edhe familjarët e dy vëllezërve kosovarë Shemsedin dhe Isa Abazi, të cilët humbën jetën si pasojë e tërmetit të 26 nëntorit./ CNA.al





Lajmet e fundit nga