web counter
LEXO PA REKLAMA!

SHKARKO APP

App Store
Google Play

E fundit!

x

Ndërhyrjet e huaja në zgjedhje/ Ambasada ruse: Plagjiaturë, “rezoluta” të tilla s’do kalojnë pa u vënë re

4 Dhjetor 2019, 16:39, Politikë CNA

Ambasada e Rusisë në Shqipëri ka reaguar pas projekt-rezolutës së votuar në Parlamentin Shqiptar ?Për ndërhyrjet e huaja në proceset elektorale dhe dezinformimin në proceset demokratike kombëtare?.

Ambasada ruse e quan përmbajtjen e kësaj rezuolute plagjiaturë dhe kopje të rezolutës së Parlamentit Evropian dhe duke shtuar se ?është kthyer tashmë në traditë që Rusia përmendet pa patur edhe provën më të vogël?.

?U njohëm me projekt-rezolutën e Parlamentit të Republikës së Shqipërisë «Për ndërhyrjet e huaja në proceset elektorale dhe dezinformimin në proceset demokratike kombëtare». Rusia përmendet sërish. Për më tepër, për fat të keq, është kthyer tashmë në traditë që Rusia përmendet pa patur edhe provën më të vogël. Me sa duket, tendenca për plagjiaturë u përhap “si një virus” tek autorët e saj, të cilët ndoqën rrugën e copy-paste. Kuptohet, ata do të duhet t?u paguajnë honorarë krijuesve të rezolutës së cituar kaq shpesh të Parlamentit Evropian.
Është e qartë se Shqiperia po përballet me «tentativa nga aktorë të huaj (…) për të ndikuar në vendim-marrjen në Shqipëri apo për të ushtruar presion mbi vlerat demokratike, të shtetit të së drejtës, respektimit të të drejtave të njeriut…? (pika ?) preambul i dokumentit). Po ç?hyn këtu Rusia??, thuhet në reagim.

Në fund të reagimit, Ambasada ruse në Tiranë thotë se sulmet e pabazuara dhe të pajustifikuara ?nuk do të kalojnë pa u vënë re në Rusi?. Kjo është hera e dytë që Ambasada ruse reagon ashpër kundër kësaj rezolute.

?Autorët e projektit nuk mund të mos e kuptojnë që ?rezoluta? të tilla nuk do të kalojnë pa u vënë re në Rusi. Sulmet e pajustifikuara dhe të pabazuara ndaj një prej anëtarëve aktivë dhe me të drejta të plota të OSBE-së, kryesinë e së cilës pritet të marrë Shqipëria në vitin 2020, aq më tepër, shkojnë në kundërshtim me qëllimet dhe objektivat e kësaj organizate, të cilët konsistojnë në të punuarit së bashku në emër të sigurisë dhe bashkëpunimit në kontinentin Evropian?, thuhet më tej ne reagimin e ambasadëas tuse./CNA.al





Lajmet e fundit nga