Shënim/ Nikoll Lesi i Lali Erit, që sulmon Rilindjen

19 Nëntor 2019, 18:54, Opinione CNA

Sot gazeta ?Koha Jonë?, ashtu si shumë ditë të tjera, përpiqet të ketë në krye të saj kryebashkiakun e Tiranës, Erion Veliajn, ti bëjë furça Lalit, ashtu siç bën shpesh Nikollë Lesi ndaj Kryeministrit të radhës apo aletatit të radhës që i qëndron në krah, ekonomikisht dhe financiarisht.

Për diversion apo për politikë, për mbështetje fianciare apo detyrime të tjera, Erion Veliaj është i reklamuar pozitivisht çdo ditë në gazetën ?Koha Jonë?. Ai nuk sulmohet. Nuk ka akuza as për korrupsion, as për skandale, aq më pak të flasësh për vëzhgime, shënime apo investigime në Bashkinë e Tiranës, dhe një qytet që është në gjendje skandaloze me infrastrukturën.

Mjafton të kujtojmë ditët e fundit të gushtit dhe shtatorit, ku kryeqyteti ngeli pa ujë. Mjafton të kujtojmë rrugët e shkatërruara dhe sakatuara. Ndotjen e lartë të ambientit në Kryeqytet, apo kaosin në trafik dhe skandalet që fillojnë me oligarkët, tenderat dhe gjithçka tjetër ndodh në Bashkinë e Tiranës.

Por Nikolla i famshëm i cili na paralajmëroi para disa ditësh një video tjetër të një diplomati të huaj me një zyrtare të Rilindjes.

Nikolla i cili na ka thënë disa herë se Rama ka rënë!

Nikolla i cili ka Metën idhull dhe President të gazetës së tij!

Nikolla i cili njihet për luhatjet e forta politike dhe qëndrimet e kundërta, kur ka interesa të caktuara, sot sërish na ka nxjerrë në pah Lali Erin, duke e kthyer në gjysëm Rilindje gazetën e tij.

Njeriu që sulmon Rilindjen dhe qeverinë, sot benjaminit kryesor të Edi Ramës i ka thurur lavde ashtu si çdo ditë tjetër. Ka treguar se nuk di të bëjë gjë, thjesht lëpihet aty ku ka nevojë. Kështu është Lali, kështu është Likja, ndoshta dhe Luli. Tani, nëse Rama i hap pak rrugën apo e afron, mund ti lëpihet sërish Nikolla.

Kjo është çështja, si është një media ku mbizotëron pafytyrësia, hipokrizia, ndoshta dhe ?fake news?, por përtej kësaj, edhe keqpërdorimi e abuzimi për interesa krejtësisht klienteliste dhe korruptive, që duken qartë kur sulmohet Kryeministri për qëllime të caktuara dhe benjamini i tij, Erion Veliaj mbështetet publikisht.

Kështu ndodh me Nikollën, kështu ka ndodhur gjithmonë, kështu ishte dhe sot, kjo ndoshta nuk është as lajm./CNA.al