web counter
LEXO PA REKLAMA!

SHKARKO APP

App Store
Google Play

E fundit!

x

Pas G.D.-së, edhe Salianji kërkon lista të hapura

4 Nëntor 2019, 09:27, Politikë CNA

Ashtu si dhe ish-deputetja e Lulit, Grida Duma e cila disa ditë më parë foli në një studio televizive, duke kërkuar lista të hapura, sot e njëjta retorikë është përsëritur edhe nga ish-deputeti Erivin Salianji.

Ish-deputeti Salianji i ftuar në A2 CNN sot tha se sistemi me lista të hapura e bën politikanin më të përgjegjshëm dhe shtoi se do të bëjë gjithçka për të kthyer vëmendjen tek ky sistem.

Grida Duma dhe Ervin Salianji janë dy personazhe të cilët kërkojnë lista të hapura, kundër rrymës së kryetarit të PD-së, i cili në fakt ende nuk është shprehur për listat.

Në fakt, këto lista të hapura i kërkojnë pasi të dy së bashku kanë të gjithë hapësirën mediatike dhe listat e hapura  janë shumë favorizuese për personazhe si Grida Duma dhe Ervin Salianji.

Dhe përtej asaj që konsiderohet si një formë që mund ta korrigjojë sistemin elektoral, pra listat e hapura në formulën e kërkuar nga Grida, Salianji dhe shokët e tyre nuk është gjë tjetër veçse një deformim më i thellë në zgjedhjen e qytetarit.

Ndoshta Grida dhe Salianji përpara se të kërkojnë lista të hapura duhet të ishin të sinqertë dhe të kërkonin sistem mazhoritar dhe të kandidonin në zonat ku kanë lindur, janë rritur e kanë jetuar.

Salianji le të kandidojë në fshatrat e Korçës dhe Grida në Durrës, aty ku humbi me 15 mijë vota.

Vetëm kështu do ta kuptonin a vlejnë këta njerëz politikisht dhe a duhen dëgjuar për lista të hapura.

Apo mos vallë Salianji dhe G.D. janë larguar nga kunati dhe familja dhe fatin e tyre politik kanë frikë ta lënë në duart e Lulzim Bashës?/ CNA.al

Salianji kundër Bashës/ Duam lista të hapura





Lajmet e fundit nga