Rilindjes i bien dy "dëshmorë"

1 Nëntor 2019, 13:40, Politikë CNA

Në 30 qershor 2019, në Shqipëri u mbajtën zgjedhjet për pushtetin lokal. Zgjedhje të cilat në shumicën e bashkive kishte vetëm një kandidat, për shkak të një vendimi skandaloz të kreut të PD-së, Lulzim Basha, i cili vendosi t?i dhurojë në tavolinë Edi Ramës 61 bashki të vendit.

Por, çfarë ndodhi më pas.

Duket se Ramës po i bien “dëshmorë” kryebashkiakët e zgjedhor.

Si fillim kujtojmë këtu rastin e Valdrin Pjetrit, i cili dha dorëheqjen ende pa bërë betimin si kryebashkiak i Shkodrës.

Pas publikimit të dokumenteve që dëshmonin arrestimin për trafik droge, dënimin me 18 muaj burg dhe dëbimin e tij nga Italia, Valdrin Pjetri nëpërmjet një postimi në rrjetet sociale bënte të ditur dorëheqjen e tij nga marrja e detyrës së kryebashkiakut, por njëkohësisht deklaronte se do të vijonte betejën e tij me drejtësinë.

Por, pas rastit të Valdrin Pjetrit, një tjetër ?dëshmor? i bie Rilindjes.

Bëhet fjalë për Agim Kajmakun, i zgjedhur si kryebashkiak në Vorë.

Agim Kajmaku alias Jorgo Toto fillimisht u akuzua nga opozita disa kohë më parë se kishte fshehur dënimin e tij në Greqi, dhe se ndaj tij kishte një proçes penal, ç?ka e bënte atë subjekt të ligjit të dekriminalizimit, sepse duhet të hetohej nga prokuroria, pasi kishte fshehur ndalimin nga policia dhe proçedimin penal në Greqi.

Në fakt, mediat e majta u përpoqën ta shpallnin si dështim të opozitës, dhe të nxirrnin në pah fitoren e tyre me Kajmakun, duke thënë se ai kishte marrë një vendim gjykate, ku shpallej i pafajshëm.

Por, fakti është se Kajmaku shkeli ligjin e Dekriminalizimit, i cili e thotë qartë se çdo zyrtar i lartë i politikës, kryetaët e bashkive, deputetët etj, përfshirë dhe zyrtarët e lartë të shtetit duhet të deklarojnë ndalimin apo procedimin penal të bërë në një vend jashtë Shqipërisë apo në vendin tonë për një çështje të caktuar.

Ndërkohë, sot Komisioni Qendror i Zgjedhjeve vendosi që mandate i kryebashkiakut për Agim Kajmakun të cilësohet si i pavlefshëm.

Pra, kështu Rilindjes i ikën dy kryebashkiakë.

Por, ka edhe një tjetër detaj. E ndërsa Edi Rama është kryetar i PS-së, kryeministër i Shqipërisë, sërish kërkon të ?lajë duart? nga çdo lloj përgjegjësie.

Ashtu si në rastin e Valdrin Pjetrit edhe në rastin e Kajmakut, Rama përgjegjësinë e ka cilësuar vetëm individuale, duke iu kthyer ?kurrizin? vetëm e vetëm që të dalë vetë i pa lagur nga këto histori./ CNA.al

Akuzat pÃ«r dÃ«nimin nÃ« Itali/ Valdrin Pjetri merr vendimin e papritur

Fshehu arrestimin nÃ« Greqi/ KQZ shkarkon nga detyra Agim Kajmakun