Rama dhe Gjonaj mbrojnë drejtoreshën e tenderit skandaloz/ Fshehin raportin e Task Forcës

1 Nëntor 2019, 12:42, Politikë CNA

Në fillim të muajit mars 2019, Instituti i Shëndetit Publik ka shpallur një tender me fond limit total 133,319,249 milionë lekë, me objekt: ?Shërbimi i dezinsektimit në zonat bregdetare dhe urbane?.

Tenderi ishte për spërkatjen kundër mushkonjave për zonat Shkodër, Lezhë, Tiranë, Durrës, Fier dhe Vlorë, i ndarë në 4 lote. Ajo që ndodhi më pas është se pas shumë peripecish që kaloi ky tender, u bë dezinfektimi i vetëm dy loteve, ndërsa dy të tjera kaluan një zezon turistik mes mushkonjash.

Për më tepër, CNA.al ka mësuar se për dy lotet e mbetura, spërkatja pritet të bëhet rreth muajit dhjetor. Se kujt i shërben në këtë periudhë, vetëm në ISHP mund ta dinë.

Por, në lidhje me këtë tender ka pasur një kontroll edhe nga Task Forca Antikorrupsion pranë Kryeministrisë, e drejtuar nga Ministrja e Drejtësisë Etilda Gjonaj.

Në një deklaratë për mediat në 2 maj 2019, ministrja e Drejtësisë, Etilda Gjonaj, në cilësinë e Koordinatorit Kombëtar Antikorrupsion deklaroi se gjatë kontrollit janë konstatuar shkelje të rënda gjatë procesit të prokurimit për këtë tender.

?Në përfundim të kontrollit u konstatuan disa shkelje të Ligjit për Prokurimin Publik, veçanërisht të rënda në kuadër të procesit të vlerësimit të ofertave sikundër dhe në fazën e shqyrtimit të ankesave, duke evidentuar se nuk janë përdorur të njëjtat kritere për vlerësimin e ofertuesve?, ? tha ministrja e Drejtësisë, ndërsa rekomandoi 8 masa disiplinore si më poshtë:

?Largim nga puna?, bazuar në legjislacionin përkatës, për anëtarët e KVO-së, konkretisht:
-Nëndrejtorin e përgjithshëm të Institutit të Shëndetit Publik.
-Përgjegjësin e Sektorit të Sëmundjeve Infektive.
-Mjekun në Sektorin e Sëmundjeve Infektive.
Gjithashtu janë rekomanduar masat ?Vërejtje me paralajmërim për largim nga puna?, për anëtarët e komisionit të shqyrtimit të ankesave, për procesin e vlerësimit të operatorëve ekonomikë, konkretisht: përgjegjësin e Departamentit të Informimit Shëndetësor, Teknologjisë dhe Komunikacionit. 2 Specialistë në Sektorin e Zhvillimit të Teknologjisë së Informacionit dhe në Sektorin e Kërkimit në Popullatë si dhe ?Vërejtje? për përgjegjësin e Sektorit të Laboratorëve (Shëndeti dhe Mjedisi) specialistin Entomolog. Janë rekomanduar gjithashtu edhe masa administrative për përmirësimin e veprimtarisë të institucionit, me qëllim përmbushjen e detyrimeve ligjore në bazë të shkeljeve të konstatuara nga inspektimi i kryer nga Task Forca Antikorrupsion.?-tha në atë kohë Ministrja Gjonaj. (Lexo këtu deklaratën e plotë)

Por përtej faktit se drejtoresha e ISHP, Albana Fico nuk mori asnjë masë duke injoruar kështu raportin e ministres Gjonaj ka edhe një tjetër detaj.

Raporti mnë fjalë nuk është bërë publik kurrë për mediat. Nisur nga intersi i publikut dhe për të qënë të paanshëm, CNA.al me datë 17 tetor i ka drejtuar një kërkesë zyrtare Ministrisë së Drejtësisë dhe Kryeministrisë, ku kërkojmë të na vihet në dispozicion raporti në fjalë.

Por, edhe pse tashmë kanë kaluar dy javë nga data që CNA.al i ka drejtuar kërkesën nuk kemi marrë ende asnjë përgjigje.

Duke marrë kështu në mbrojtje në mënyrë të hapur drejtoreshën e ISHP-së, për një tender skandaloz, për të cilin dikush duhet të mbajë përgjegjësi./ CNA.al

Qindra milionÃ« lekÃ« tÃ« hedhura nÃ« kosh tÃ« plehrave?/ Drejtoresha kyÃ§ gojÃ«n pÃ«r tenderin korruptiv

Qindra milionÃ« lekÃ« tÃ« hedhura nÃ« kosh tÃ« plehrave/ Vjedhje dhe abuzime me tenderat nÃ« ISHP?

Skandali nÃ« ISHP/ Ish-kunata e RamÃ«s dhe kunata e Ã?uÃ§it, injoron Gjonajn