E fundit!

12:16 Aktualitet

SPAK kërkon 98 vite burg për Durim Bamin, Aldo Avdylin dhe 5 të tjerë

Prokuroria e Posaçme ka dhënë pretencën për disa nga të pa...

Kush i sulmon dy koncesionet në shëndetësi dhe pse heshtet për të tretin?!

31 Tetor 2019, 10:55, Politikë CNA

Disa ditë rrjesht disa media periferike, por edhe media pranë qeverisë dhe opozitës, si zakonisht i kthehen një sulmi të vazhdueshëm ndaj disa koncesioneve në shëndetësi.

Diku me të drejtë, diku me tepricë, gjithçka duket se është reale, por kur zbulon qëllimin dhe nga kush bëhet, atëherë e kupton se çfarë po ndodh.

Së pari sulmohet koncesioni i Check Up-it, një koncesion në fakt i shumë akuzuar, korruptiv dhe me pasoja të mëdha në buxhetin e shtetit. Janë disa qindra mijëra euro që fitohen nga një kompani që shet duhan. Një kompani private, e cila marketingun e ka çuar tek kunati i Lulzim Bashës. Ata që nuk e dinë, është kompania e Vilma Nushit, të cilës Luli nuk po ia zë më emrin në gojë.

Koncesioni i dytë që është sulmuar së fundi është ai i sterilizimit. Një koncesion që në fakt përtej një shkrese të dalë nga ministria e Shëndetësisë për shkurtimin e numrit të operacioneve apo pretendimeve nga mjekët, po të flasësh me doktorët, kirurgët, e vlerësojnë së tepërmi. Shumica e tyre thonë se sterilizimi është një hap i mirë në Shqipëri dhe ka sjellë kushte jo të këqija.

Një mjek sot operon në Shqipëri, me të gjithë asetin e veglave që përdoren nga doktori apo mjeku kirurg në Europë.

Këto janë dy koncesionet që së fundi po sulmohen me zhurmë dhe shumë mirë bëhet. Koncesionet, të gjitha mund të kenë problematikat e tyre, disa mund të jenë abuzive si rasti i Check Up, disa të tjera mund të duan korrigjime.

Por, kur shikon që sulmohen vetëm këto dy koncesione dhe një i tretë për të cilin nuk ka asnjë fjalë, ngrihen të gjitha dyshimet se nga mund të vinë këto sulme.

Së pari, koncesioni që nuk flitet është ai i Dializës. Që ndoshta ai dhe koncesioni i sterilizimit janë dy akte pozitive të qeverisë, por që kanë pasur jo pak pasoja në buxhet.

Në rastin e koncesionit të Dializës ka pasur investime, por fillimisht ai u trajtua si skandaloz dhe korruptiv. Pas tij qëndronte Klodian Allajbeu, pronari i Spitalit Amerikan.

Po të vësh re apo të monitorosh mediat që e sulmojnë apo publikojnë shkrime kundër Check up apo sterilizimit janë kryesisht media që kanë reklama apo shkrime të bëra nga njerëz që punojnë pranë Klodian Allajbeut, apo Spitalit Amerikan.

Pra, në fakt përtej së vërtetës apo moralit në lidhje me koncesionet në shëndetësi sulmohen vetëm dy, ndërsa i treti jo. Ç?ka ngre dyshime të shumta që sponsori i gjithë kësaj të jetë Klodian Allajbeu. Janë pikërisht njerëzit e këtij të fundit, staf, punonjës, bashkëpunëtorë, ish-bashkëpunëtorë e të tjerë, që në mënyra të ndryshme shkruajnë, interpretojnë, shpërndajnë shkrime dhe video me materiale në media të ndryshme kundër koncesioneve të tjera, ndërsa për Dializën, koncesionin e Klodit, të Spitalit Amerikan nuk flet askush, nuk ka asnjë qëndrim në asnjë media opozitare.

Megjithëse edhe Klodi i Spitalit Amerikan dhe vetë ky institucion është një nga sponsorat apo kompanitë që zhvillon aktivitete me kunatin e Lulzim Bashës, kompaninë Landmark, të Erion Isufit. Ashtu si dhe CNA.al publikoi dje dokumentat.(Lexo Këtu)

Prandaj, e gjitha kjo skemë ka një pikë të errët nga pas, e cila vjen nga lufta që një koncesionar i bën një tjetri, inati brenda një sistemi, beteja e tyre, ?të kapim atë që ka marrë ai, dhe në t?ia marrim atij?.

Pra, në fakt më shumë sesa një luftë morale me koncesionet dhe një luftë parimore me korrupsionin e qeverisë duket të jetë një betejë e pisët mediatike nga një koncesionar për disa të tjerë. Megjithëse në qëndrimin tonë të tre këto koncesione kanë problematika dhe disa prej tyre mund të trajtohen ndryshe.

Por, gjithësesi në këtë rast shqiptarët duhet ta mësojnë se nuk kemi një betejë të vërtetë kundër dy koncesionarëve të Check Up apo të Sterilizimit, por kemi një stimulim nga Klodi i Spitalit Amerikan, i cili ka Dializën, një koncesion tjetër, por që kërkon t?i rrëmbejë të gjitha. Dhe kjo është arsyeja se pse po sulmohen koncesionarët e tjerë. Mjafton të monitoroni kush shkruan, ku shkruhet dhe si shkruhet. Dhe gjithçka është lehtësisht e kuptueshme. Në këtë rast ato të vërteta që ka brenda, që ekzistojnë dhe janë fakte të padiskutueshme bien poshtë, sepse janë pjesë e një skenari të fëlliqur, të gatuar krejtësisht për interesa klienteliste dhe korruptive./ CNA.al