web counter
LEXO PA REKLAMA!

SHKARKO APP

App Store
Google Play

E fundit!

x

Marrëveshja e detit/ Rama “shkrin” grupin negociator të Bushatit, komision i  posaçëm për administrimin e ujërave

31 Tetor 2019, 08:34, Politikë CNA

Qeveria ka shkrirë grupin negociator për ‘Marrëveshjen e Detit’ të ngritur që në kohën e ish-ministrit të Jashtëm, Ditmir Bushati, duke reduktuar përfaqësuesit.

Komisioni i mëparshëm përbëhej nga 13 anëtarë, ndërsa komisioni i ri do të jetë me 7 anëtarë.

Vendimi është marrë vetëm një ditë pas takimit që Rama zhvilloi me homologun grek, Qirjakos Mitsotaqis në Athinë.

Po ashtu, kreu i qeverisë ka firmosur një VKM, ku aktivizon edhe një komision të posaçëm për administrimin e ujërave ndërkufitare.

Komisioni përbëhet nga 7 zëvendësministra dhe kryetar është përcaktuar zëvendësministri për Punët e Jashtme, por nuk cilësohet se cili prej tyre do të drejtojë komisionin, duke qenë se aktualisht janë dy të tillë, konkretisht Etjen Xhafaj dhe Sokol Dedja.

Ndryshe nga komisioni i deritanishëm, që përbëhej nga ministrat, komisioni i ri do të përbëhet nga zëvendësministrat.

Agjencia e Menaxhimit të Burimeve Ujore ka rolin e sekretariatit teknik të Komisionit dhe do të raportojë periodikisht te Kryeministri Rama për veprimtarinë e Komisionit.





Lajmet e fundit nga