Nikolla fantazon me sondazhe/ Shpall fituesin dhe kritikon opozitën

31 Tetor 2019, 10:14, Politikë CNA

Nikoll Lesi përtej shërbimit me devotshmëri që i bën presidentit Meta dhe përtej faktit që media e tij është kthyer në zërin zyrtar të LSI-së, tashmë së fundi ka filluar edhe fantazon sondazhe.

Një ditë më parë, Nikoll Lesi ka publikuar një shkrim ku pretendon se sondazhet e bëra nga shoqata që sipas Lesit, janë financuar prej Ramës tregojnë se opozita fiton thellë, nëse konkuron e bashkuar në zgjedhje.

Për më tepër, Lesi jep edhe shifra ndërsa shkruan se ?Sondazhe të papublikuara nga ambasada të huaja, të cilat i japin PD-LSI dhe partive të opozitës mbi 81 deputetë, janë treguesi i humnerës së Ramës. Pra, të gjitha sondazhet, edhe ato që bëhen nga organizatat pranë qeverisë, tregojnë që kryeministri aktual humbet thellë.

Sondazhet e Ramës dhe të ambasadave të huaja perëndimore, të cilat nuk do të shikojnë dritën e publikimit, pasi janë për konsum të brendshëm e jo për publikun, tregojnë se PS-ja humbet frikshëm. Nga mazhoranca fiton edhe PSD, një deputet në zonën ku kandidon Tom Doshi.?.

Ndërsa sërish sot Lesi ka publikuar një tjetër shkrim, sërish duke pretenduar për sondazhe që sipas tij e nxjerrin opozitën fituese.

Dhe duke u nisur nga këto sondazhet e Lesit, ky i fundit i bën thirrje opozitës të ngrihet në protesta.

?Koalicioni opozitar duhet të insistojë për zgjedhje të parakohshme sa më shpejt. Insistim me protesta, presione dhe çdo formë demokratike reagimi qytetar. Sepse nëse opozitarët kënaqen vetëm me sondazhet dhe rrinë në pritje se kur do ti teket kryeministrit, atëhere edhe vetë qytetarët do mendojnë se nuk ka krizë, derisa opozita sillet sikur të jetonim në një vend normal.

E habitshme se si opozita kur është në kulmin e kuotave të saj publike akoma pret. Çfarë pret? T?ia dhurojë në tavolinë pushtetin Edi Rama?!?-shkruan ndër të tjera Nikoll Lesi.

Por, se kur është bërë ky sondazh, se kush e ka bërë dhe çfarë është vetëm Nikolla e di.

Në shkrim thuhet se është bërë një sondazh, por nuk publikon asnjë detaj apo formen e kryer të sondazhit.

Por, thjeshtë si Luli, gjithmonë me gënjeshtra, të ngreme moralin lart kur e kemi përtokë. Le pastaj kur moralin kërkon ta ngrejë Nikolla i Ilir Metës./ CNA.al