E fundit!

07:51 Kosova & Bota

Cilat vende të BE-së luftojnë hendekun e pagave?/ Rregullat e reja të transparencës e ndajnë bllokun

Vetëm katër vende të BE-së e kanë zbatuar Direktivën e BE-...

Çfarë e shkaktoi vdekjen misterioze të Herri Hudinit, magjistarit më të madh të shekullit XX?

31 Tetor 2019, 07:50, Blog CNA

Edhe 93 vjet pas vdekjes së tij në qytetetin e Detrotit, Miçigan, emri i Herri Hudinit, krijon ende imazhet e arratisjeve të tij bujshme edhe në situatat në dukje më të pamundura. Emri i tij i vërtetë ishte Erik Veiz, dhe ai lindi 145 vjet më parë në Budapest të Hungarisë.

Familja e tij emigroi në Shtetet e Bashkuara në vitin 1878, kur ai ishte vetëm 4-vjeç. Erik u rrit në Ejpëlltun, Uiskonsin, ku babai i tij ishte rabin në një kongregacion hebraik. Atje, ai u bë shpejt i njohur mirë për talentin e tij në ushtrimet akrobatike. Atë e tërhiqte spektakli, dhe jo libri hebraik i Talmudit.

Kur ishte vetëm 9-vjeç, u arratis nga shtëpia, për t?ju bashkuar një cirku shtëtitës si një artist në trapez. I magjepsur nga truket e magjistarit të madh francez të shekullit XIX, Zhan Hudin, Erik e ndryshoi më vonë emrin e tij në Herri Hudini. Ai nisi të zhvillonte truke dhe teknika të reja të arratisjes.

Numri më i famshëm në vitet e para të karrierës së tij të jashtëzakonshme, ishte ftesa e cilitdo spektator për ta lidhur kokë e këmbë me zinxhirë, dhe më pas ai do të çlironte veten e tij, brenda një kabine të mbyllur.

Një natë kur ndodhej në shtepinë e tij në Kansas, sherifi i zonës e prangosi me prangat e tij, duke iu thënë me mburrje të gjithë atyre që ishin rrotull:?Me këto, nuk do të kesh asnjë shans që të lirohesh?. Ishte një sfidë, që i ndryshoi jetën artistit të ri. Dhe në fakt Hudini, ia doli sërish që të lirohej.

Në vitin 1900, ai ndërmori turneun e tij të parë evropian, duke kryer arratisje të bujshme nga polica britanike dhe dhjetëra burgje të tjera të famshme. Në vitin 1902, ai e mbylli veten në qelinë nr.2 në burgun federal të Uashingtonin, e njëjta qeli ku dikur kishte qëndruar Sharl Gito, njeriu që vrau presidentin amerikan Xhejms Garfilld.

Shumë shpejt, Hudini ia doli të arratiset. Në vitin 1908, Hudini ia doli të kryejë arratisje shumë më të guximshme nga depozitat e mbushura me ujë, i lidhur plotësisht me zinxhirë, apo kur ishte hedhur nga një urë në një lumë të akullt, për t?u rishfaqur në sipërfaqe pas pak minutash.

Ai i shpëtoi atyre numrave të rrezikshëm, megjithatë vdekja e tij ka mbetur ende sot burim i hamendjeve dhe hipotezave, si nga magjistarët ashtu edhe nga mjekët. Hudini nuk i tregoi kurrë askujt, përveç gruas dhe njëherazi ndihmëses së tij, Bes, sekretin e arratisjeve të tij të mëdha. Nga ana tjetër, ai ishte krenar për trupin e vet muskuloz dhe të tonifikuar.

Ai i lejonte shpesh spektatorët që ta grushtonin fort në barkun e tij. Sipas shumë dëshmive, disa studentë të faklutetit të mjekësisë nga Universiteti Mekgill e vizituan Hudinin në dhomën e tij të zhveshjes në orën 5 të pasdites të 22 tetorit 1926, pas shfaqjes që ai dha atë pradite në Teatrin e Princeshës në Montreal, Kanada.

Disa ditë më parë, Hudini kishte dhënë një leksion në këtë univeritet mbi punën e tij për demaskimin e mediumeve dhe të spiritualistëve të rremë. Studenti Xhoslin Uajthed e pyeti nëse mund ta grushtonte në bark, dhe Hudini e lejoi. Studenti e goditi dy here me forcë magjistarin e famshëm, por përpara se ky të shtrëngonte fort muskujt e barkut.

Grushtat ?si çekiç? i shkaktuan dhimbje të dukshme, dhe Hudini e pengoi studentin ta godiste për herë të tretë. Kur po udhëtonte me tren për më shumë se 15 orë, për të shkuar në shfaqjen e tij të radhës në Detroit, ai nisi të ketë dhimbje të madhe në bark, për të cilat bënte përgjegjës grushtat që kishte marrë nga studenti, dhe një frakturë në këmbë të shkaktuar kohët e fundit.

Kur Hudini mbërriti në Teatrin Gerrik në Detroit, temperatura e tij trupore mbërriti në 40 gradë.

Një mjek i lajmëruar me urgjencë, e diagnostikoi Herrin me apendiksit akut. Doktori kërkoi një ambulance për ta shtruar Hudin në spital, por magjistari nuk e pranoi ndihmën e mjekut, duke deklaruar:?Unë do ta japë këtë shfaqje, edhe sikur të jetë e fundit?.

Atë ditë, performanca nuk ishte më e mira e tij. Por gjithsesi nuk humbi ndenjat në skenë, siç druhej bashkëshortja e tij. Pas shfaqjes, Hudini shkoi në dhomën e tij në hotel. Ai refuzoi sërish ndihën mjekësore, por dhimbja ishte aq e madhe sa që gruaja e tij, Bes, kërkoi që ai çohet në spitalin aty pranë.

Më 24 tetor, ai iu nënshtrua një operacioni urgjent për të hequr apandesitin, që tashmë kishte plasur, duke shkaktuar një peritonit akut. Pas një operacioni të dytë më 28 tetor, gjendja e tij shëndetësore u përkeqësua më tej. Ai ndërroi jetë më 31 tetor 1926 në moshën 52-vjeçare. Fjalët e tij të fundit, thuhet se ishin ?Jam lodhur nga luftimet?.

Shkak për vdekjen e tij mund të ketë qenë neglizhenca ndaj goditjeve të forta që mori në bark, çka mund të ketë shkaktuar edhe infeksionin fatal. Por ekspertët, debatojnë ende sot mbi shkaqet që sollën vdekjen e tij. Studenti i mjekësisë mori pjesë në funeralin e magjistarit, duke menduar se ishte përgjegjës për vdekjen e të madhit Herri Hudini.

Por shumë fansa të tij, vazhdojnë që t?i besojnë teorive të komplotit, për një synim paraprak të logj të Uajted për ta dëmtuar Hudinin. Duke besuar tek spiritualizmi, Hudini i premtoi t?i dërgonte gruas së tij një mesazh nga bota e përtejme. Por ky mesazh nuk mbërriti kurrë. Ashtu si me arratisjet spektakolare të Hudinit në skenë, ne nuk do ta dimë kurrë se si u ?arratis? ai nga kjo jetë, apo nëse do të jetë në gjendje të ?arratiset? nga bota tjetër./ PBS.org-Përshtatur nga CNA.al