Grida Duma ka kokën në sininë e Lulzim Bashës

30 Tetor 2019, 19:52, Opinione CNA

Grida Duma duket se e ka seriozisht betejën për të bindur PD, të bëj pjesë të platformës së saj, ndryshimin e sistemit zgjedhor, lidhur me pikën e listave të hapura. Në disa dalje publike, ajo është fokusuar vetëm në këtë pikë. Nuk është se ka ndonjë ide të studjuar mbi ndryshimet që duhet të pësoj Kodi Zgjedhor, apo teknikalitete të tjera. Duket që ka një kërkesë tërësisht politike, e cila ka të bëj me listat e hapura në sistemin propocional. Pra kërkon që ashtu si në sistemin e Kosovës, qytetarët të kenë mundësi të përzgjedhin nga lista që rendit partia, klandidatët që ata dëshirojnë më shumë.

Shqetësimi I saj është shumë I lexueshëm, si shqetësim politik dhe jo si eksperte elektorale. Si një shqetësim që nuk vjen nga defektet në zgjedhje, por nga mungesa e demokracisë në partitë politike shqiptare.

Grida Duma tani dukshëm ndjehet e pasigurtë nga Lulzim Basha. Ndjehet e anashkaluar prej tij, por ka idenë që është popullore tek demokratët dhe shpreson që ta fitojë betejën me luftën e ftohtë me Bashën, përmes listave të hapura.

E gjitha kjo ndodh, pasi deputimi I saj I parë politik si deputete, erdhi pikërisht listat e mbyllura. Fal tyre Lulzim Basha spastroi gjithë rivalët e vet në parti. Ai me një të rënë të lapsit, hoqi nga gara Topallin, Patozin, Boden, Imamin, Bregun, Rulin, dhe figura të tjera të PD, për ti hapur rrugë Gridës, Salianjit, djalit Fariut dhe disa anonimëve të tjerë në PD.

Fal listave të mbyllura dhe fuqisë së kryetarit, Grida Duma sot është në politikë. Nëse do kishte lista të hapura më 2017, ajo nuk do të ishte deputete.

Por tani ajo e ndjen se koka e saj dhe e të tjerëve është dorëzuar në sininë e Lulzim Bashës. Kjo I duket diçka e rrezikshme për të vazhduar më tej. Dhe tani ka të drejtë.

Por a mund ti korrigjojmë defektet e mungesës së demokracisë në partitë shqiptare me ligjin elektoral?

Natyrisht që jo. Defektet brenda partive politike shqiptare, janë një betejë që duhet bërë brenda partive dhe tek ligji I partive politike. Shumë parti politike janë të paligjshme në veprimatrinë e tyre. Por mbi të gjitha kryetarët e tyre sillen si pronarë të partive duke injoruar çdo problem q ëi hapin partisë.

Kryetari I Partisë Demokratike Lulzim Basha ka bërë pagesa të paligjshme prej 670 mijë euro në emër të PD , pagesa që po kompromentojnë imazhin perëndimor të PD, pasi po e lidhin me financime ruse dhe askush në PD nuk ka reaguar për këtë. Përkundrazi i kanë dal zot kryetarit të tyre. Kryetari I PD, është tallur me PD, duke çuar listën e kandidatëve për deputetë në orën 12 të natës në KQZ, duke e konsultuar vetëm me Kuantin e tij dhe askush në PD nuk ka reaguar për këtë, përvec atyre që nuk ishin në listë.

Kryetari I PD ka marr vendim të djeg mandatet dhe të mos hyj në zgjedhje, duke ua komunikuar vendimin organeve të zgjedhura të PD, pa I pyetur realisht ato, dhe tani rrijnë e shajnë në tavolina, po kurrë në publik.

Përpjekja për ti marrë pushtetin Lulzim Bashës duke ndryshuar sistemin zgjedhor, është naivitet. Lulzim Basha është shumë I qartë për favoret që i jep ky sistem elektoral për të qenë zot I partisë dhe për të vendosur heshtjen në koridoret e saj. Ai e di se mund të gënjej siç gënjen për dy vilat që ka marrë nga një ?oligark? I Edi Ramës dhe askush nuk flet nëpër koridore. Ai e di se mund tu vendos gjoba familjare ?oligarkëve? dhe askush nuk flet për pazaret e tij me ta nëpër koridore. Ai e di se të gjithë kur heshtin, kanë parasysh pikërisht ato listat që Grida Duma I do të hapura.

Është naivitet I madh ti kërkosh Lulzim Bashës, të dorëzoj të vetmen fuqi që ka brenda PD, pa Berishën. Sistemi elektroal me lista të mbyllura, është e vetmja hipotekë që ai ka brenda PD. Është më lehtë të heqësh Lulzim Bashën nga kryetar me betejë brenda PD, se sa ti heqësh atij nga duartë të vetmin mekanizëm që ka për të detyruar të tjerët ta respektojnë në PD. Ndaj nëse zonja Duma ka vendosur të niset për luftë kundër sistemit, është mire ta filloj betejën me pronarin e sistemit. Ai quhet Lulzim Basha. Kundërshtari I tij Edi Rama është kujdesur për tia lënë të gjitha propozimet në dorë opozitës, lidhur me reformën zgjedhore. Dmth ja ka shtuar dhe një nder më shumë Lulzim Bashës. Ndaj është naivitet të bësh betejë për të sqaruar Lulzim Bashën, mbi përparësitë e listave të hapura. Ai I e di shumë mirë ndaj I do siç janë. Të mbyllura./Mero BAZE-TemA