web counter
LEXO PA REKLAMA!

SHKARKO APP

App Store
Google Play

E fundit!

x

Basha gënjen publikisht/ "Po rikonstruktoj shtëpinë", por ska leje dhe as punëtorë në objekt

28 Tetor 2019, 19:30, Politikë CNA

Dje CNA.al i drejtoi disa pyetje Lulzim Bashës në lidhje me dy vilat që ndodhen në rezidencën ?Long Hill? në kryeqytet.

Sot ishte ?Dritare.net?që fotografoi makinën e Lulzim Bashës  duke hyrë  në këtë rezidencë. Por CNA.al dje solli me fakte se si investitori  i kësaj rezidence, Agron Papuli, prej më shumë se një viti nuk sulmohej më nga PD si oligarku i Edi Ramës, por gjithçka kish kaluar në heshtje.

Sot në mbrëmje Parita Demokratike ka shpërndarë një njoftim ku thekson se portale pranë Edi Ramës po dizinformojnë dhe ambjentet janë marrë me qira, një ambjent i vogël, pa pishinë, përkohësisht pasi Lulzim Basha po rikonstrukton shtëpinë e tij të dëmtuar nga tërmeti i datës 21 shtator.

Në fakt, sërish duket se Basha gënjen. Gënjen në mënyrë të paturpshme.

Së pari gënjen, pasi në shtëpinë e tij, në pallatin e tij, nuk po bëhet asnjë rikonstruksion, duket lehtësisht nga jashtë dhe gjithçka mund të filmohet dhe shikohet, edhe nëse nesër do të çojë ndonjë kamion me dhe.

Por edhe po të tentojë të bëjë diçka, Basha sërish po gënjen sepse minimalisht duhet të kishte një leje nga Bashkia e Tiranës për rikonstruksionin e apartamentit ku jeton i cili në fakt ka një shtesë kati pa leje, të cilën duhet ta bente publike. Pa folur për raportimin tek emergjencat civile per demet.

Është denoncuar kohë më parë pallati i Bashës dhe shtesa që ai ka bërë, ndërsa sot na thotë se po rikonstrukton apartamentin e tij, ndërkohë që minimalisht duhet të na kishte treguar lejen e Bashkisë së Tiranës.

Por pyetja që lind është: a duhet ta arrestojë policia Lulzimin Bashën pas gënjeshtrës së sotme se po rikonstrukton pa leje, kur çdo ditë, fshatrave të Shqipërisë apo në qytete të ndryshme arrestojnë njerëz se bëjnë punimet  në shtëpitë e tyre pa leje. Prandaj gënjeshtra e sotme e Lulit nuk është asgjë tjetër, por thjeshtë një nga strategjitë e tij. Nesër CNA.al do të jap më shumë detaje për të dyja vilat për të cilat ne i kemi shtruar pyetjet.

Për atë që është përdorur nga Ambasada Suedeze dhe për atë nga Ambasada Sllovene. Njëra që është shitur, e tjera që është me qira.  Të gjitha të dhenat do i bëjmë nesër publike me detaje.

Deklarata e PD

?Në disa media është shpërndarë një dezinformim i qëllimshëm lidhur me banesën e kryetarit të PD-së Lulzim Basha. Pas disa dëmeve të shkaktuara nga tërmeti, banesa e zotit Basha do të duhet t?i nënshtrohet disa punimeve të domosdoshme. Për këtë arsye zoti Basha dhe familja e tij janë zhvendosur përkohësisht në një banese me qira, që nuk ka asnjë lidhje me fotot e rreme të shpërndara nga disa portale të kontrolluara nga qeveria. Banesa me qira e familjes se zotit Basha jo vetëm nuk ka pishinë, por është më e vogël sesa banesa e tij në rindërtim. Gjithçka tjetër është trillim i sponsorizuar nga qeveria.?

Skandali/ Vërtetohet me fakte, Lulzim Basha e përdor PD-në për gjoba ndaj biznesit dhe interesat e tij korruptive

Foto/ Zbulohet vila e Lulzim Bashës në zonën rezidenciale

 





Lajmet e fundit nga