web counter
LEXO PA REKLAMA!

SHKARKO APP

App Store
Google Play

Nga Llalla, tek Dako dhe Doshi/ Ambasada e SHBA flet me emra: Ja personat që nuk do marrin kurrë vizë

22 Tetor 2019, 07:21, Politikë CNA

Ambasada e SHBA në vendin tonë ka publikuar një video, në lidhje me luftën kundër korrupsionit në nivelet e larta zyrtare.

Në një postim në rrjetet sociale, ambasada thekson se SHBA është e përkushtuar në luftën kundër korrupsionit në mbarë botën.

Po ashtu theksohet se nëse një zyrtar qeveritar është i përfshirë në korrupsion atëherë Sekretari i Shtetit ka autoritetin të shpallë individët dhe anëtarët e familjes së tij/saj të afërt si të skualifikuar përgjithmonë për të hyrë në Shtetet e Bashkuara.

Në videon në fjalë, përmenden emrat e Vangjush Dakos, Adriatik Llallës, dhe Tom Doshit, të cilët sipas Ambasadës Amerikane, nuk do të mund të marrin kurrë vizë në SHBA. Po ashtu në video paralajmërohet se raste të tjera po vijnë.

?Qeveria e Shteteve të Bashkuara është e përkushtuar në luftën kundër korrupsionit dhe respektimin e sundimit të ligjit në mbarë botën. Lufta kundër korrupsionit është prioritet i punës së Ambasadës së Shteteve të Bashkuara në Tiranë. Këtë javë, ne do të shpjegojmë përcaktimet publike për korrupsion madhor sipas Nenit 7031(c) të legjislacionit të Shteteve të Bashkuara. Kur Shtetet e Bashkuara mësojnë se një zyrtar qeveritar i huaj është përfshirë në korrupsion madhor, Sekretari i Shtetit ka autoritetin të shpallë individët dhe anëtarët e familjes së tij/saj të afërt si të skualifikuar përgjithmonë për të hyrë në Shtetet e Bashkuara. #ShqiperiaLuftonKorrupsionin #NdalKorrupsionit?-thuhet në mesazhin e ambasadës së SHBA./ CNA.al





Lajmet e fundit nga