web counter
LEXO PA REKLAMA!

SHKARKO APP

App Store
Google Play

E fundit!

x

Fëmijët shqiptar në kampin e ISIS/ Apel Kryeministrit për kthimin e tyre

21 Tetor 2019, 16:40, Politikë CNA

Pak ditë më parë mediat raportuan lutjen e një babai kosovar, i cili bënte thirrje për ndihmë, pasi fëmija e tij 11 vjeçar, Alvin Berisha, gjendej i vetëm në një nga kampet e refugjatëve në Siri, i braktisur. Mirëpo Alvini nuk është i vetmi fëmijë shqiptar i gjendur në ish kampet territore të ISIS, që sakaq shërbejnë për strehimin e fëmijëve të braktisur.

Lidhur me këtë dramë, Qendra për Mbrojtjen e të Drejtave të Fëmijëve ka reaguar, nëpërmjet dërgimit sot të një letre kryeministrit Edi Rama, ku i bën apel të përfshihet në ndërmjetësimin për kthimin e këtyre fëmijëve në atdheun e tyre.

Sipas informacioneve të pakonfirmuar të Qendrës, 11 vjeçari Alvin Berisha, nuk është i vetmi, pasi janë rreth 50 fëmijë dhe të mitur shqiptarë që ndodhen
prej vitesh ose kanë lindur në kampet famëkeqe të ISIS dhe që jashtë dëshirës së tyre janë bërë pjesë e konfliktit të armatosur në Siri.

I nderuar Z. Kryeministër,

Po ju drejtohem me këtë letër të hapur për të shprehur shqetësimin e Qendra për Mbrojtjen e të Drejtave të Fëmijëve (CRCA), organizata më e vjetër e të drejtave të fëmijëve në vend, por edhe atë personal, që asnjë fëmijë shqiptar nuk duhet të jetë viktimë e luftimeve në Siri!
Për këtë ne kërkojmë angazhimin tuaj si Kryeministër, por edhe si baba i dy fëmijëve: A nuk do të kishit vajtur edhe Ju në fund të botës për të gjetur fëmijët tuaj dhe për t?i sjellë ata në  shtëpi? Të gjithë ne, prindër të prekur nga ky konflikt, qytetarë të thjeshtë apo të angazhuar  për të mbrojtur të drejtat e fëmijëve, sot kemi një thirrje për ju dhe Qeverinë tonë:

SILLNI FËMIJËT TANË NË SHTËPI!
Alvin Berisha, 11 vjeç, nuk dihet nëse është gjallë! Jeta e tij është në duart tuaja! Si Alvini janë  me dhjetra fëmijë shqiptarë që presin që Qeveria e tyre t?i shpetojë nga vdekja e sigurt! Ne kërkojmë kthimin në shtëpitë e tyre edhe të Evës, Endrit, Fatimes, Esmas, Belkizes, Suejdit dhe të gjithë fëmijëve që sot ndodhen në kampe në Siri.
Z. Kryeministër, CRCA/ECPAT Shqipëri, ju kërkon nisjen me urgjencë të të gjitha procedurave për gjetjen, marrjen në mbrojtje dhe kthimin në Shqipëri, të fëmijëve shqiptarë viktima të konfliktit të armatosur! Shteti shqiptar dhe Ju personalisht keni një miqësi të provuar me  drejtuesit e shtetit Turk, ndaj ne ju kërkojmë sot publikisht: mos e lini këtë miqësi të duket e bukur sa për foton apo takimin e rradhës! Përdoreni atë për të shpëtuar jetë fëmijësh! Forca
juaj nuk duhet të ndalet deri sa edhe fëmija i fundit të jetë kthyer në Shqipëri!”, shkruhet në letrën që shoqata pë Mbrojtjen e të Drejtave të Fëmojëve ia adreson Kryeministrit Edi Rama./CNA.al





Lajmet e fundit nga