web counter
LEXO PA REKLAMA!

SHKARKO APP

App Store
Google Play

Dështimi i negociatave/ Kodheli: Ja pse Franca ishte skeptike

21 Tetor 2019, 14:17, Politikë CNA

Ish Ministrja e Mbrojtjes, Mimi Kodheli, e ftuar në ?Top Talk?, foli në lidhje me vendimin e vendeve anëtarë të BE-së, për të mos hapur negociatat me Shqipërinë.

Sipas Kodhelit, qeveria ka qenë optimiste për çeljen e negociatave pas i kishte kryer detyrat e shtëpisë si dhe kishte marrë premtimin për hapjen pa kushte, por skepticizmi erdhi për shkak se disa vende anëtare të BE-së, kanë stopuar me thellimin e reformave në momentin që u bënë pjesë e bllokut.

?Ne kemi qenë optimist dhe kemi patur pritshmëri të larta për hapjen e negociatave. Pritshmëritë tona kanë qenë bazuar mbi dy gjëra kryesore; bërja e detyrave të shtëpisë dhe premtimi për hapjen e negociatave pa kushte, plus premtimin se e meritonim.

Skepticizmi i disa vendeve, përfshi e Francën ka ardhur për faktin se disa vende stopuan me thellimin e reformave në momentin që hynë në BE. Atëherë lind ky skepticizëm i vendeve themeluese, që a do të mund të vazhdojnë këto vende në këto reforma apo do mbeten në vend.

Këto reforma kështu siç janë të thella, gjithëpërfhsriesë të mund të vazhdohen edhe në të ardhmen.

Ne reformat nuk i bëjmë për presidentët e vendeve europiane, por sepse duhet, dhe shoqëria shqiptare është molepsur kaq shumë nga korrupsioni. Unë mendoj se jemi të vonuar me këto reforma?, theksoi Kodheli.

Duke folur më tej, Kodheli u pyet dhe për ministin e Punëve të Jashtme, Gent Cakaj nëse i ka kryer si duhet detyrat për çeljen e negociatave.

?Ministrti i Punëve të Jashtëm e ka emrin Edi Rama dhe mendoj se si ministër por dhe si kryeministër është mjaftueshëm atraktiv në secilin pozicion për ti kryer detyrat ashtu si duhet?, përfundoi Kodheli./CNA.al





Lajmet e fundit nga