“Nuk bëri asnjë konsultë”/ Edith Harxhi zbulon dy vendimet e Bashës që fundosen PD-në

21 Tetor 2019, 12:51, Politikë CNA

Ish-zv.ministrja e Jashtme, Edith Harxhi është shprehur për CNA.al, se dy vendimet e kreut të PD-së, Lulzim Basha, që çuan partinë në situatën më të pafavorshme që prej krijimit të saj janë djegia e mandateve dhe bojkoti i zgjedhjeve lokale.

Sipas Harxhit, djegia e mandateve ishte deri diku e justifikuar, nëse do ta lidhnim me situatën politike dhe ekonomike në vend, por sipas saj vendimi është marrë nga kreu i PD-së, pa u konsultuar me strukturat.

Po ashtu ajo tha se djegia e mandateve do të ishte më e justifikuar nëse do të bëhej në muajin dhejtor, gjatë kohës së protestave studentore.

?Unë jam një nga ata njerëzit që mendoj se dorëzimi i mandateve mund të ketë qënë i justifikueshëm në gjendjen që ishte krijuar në vend. Megjithatë qëllimi nuk e justifikon mjetin, për faktin se djegia e mandateve në një demokraci është një akt ekstrem dhe në këtë rast do të kishte qënë shumë më e mbarë nëse do të ishte bërë gjatë periudhës së revoltës së studentëve. Në dhjetorin e kaluar. Shumë më i justifikuar pikërisht për të bashkërënduar forcat me atë shtresë dhe atë grup aq të rëndësishëm që u ngrit në dhjetor të vitit të shkuar kundër qeverisë aktuale.

Ajo do të ishte diçka shumë më sublime. Ndërsa në rastin aktual mendoj se dorëzimi i mandateve ka qënë i pakonsultuar me strukturat e partisë, të cilat megjithëse janë mbledhur ditën e fundit pasi vendimi ishte marrë, mendoj se ka qënë një pjesëmarrje formale dhe miratim fare formal nga ana e Këshillit Kombëtar apo Kryesia, pasi gjithçka ishte vendosur nga kryetari i partisë. Pa e konsultuar këtë vendim as me faktorin ndërkombëtar, as me aleatët e PD-së jashtë vendit, me SHBA dhe me vendet e tjera të BE-së, partitë simotra në EPP të cilat kanë qënë kundër këtij vendimi radikal. Por më pas edhe bojkoti i zgjedhjeve lokale në vend.

Mendoj se këto të dyja kanë bërë të mundur që PD dhe opozita shqiptare për herë të parë pas 30 vitesh të dalë jashtë sistemit politik, gjë që është akti më radikal që ka vendosur PD-në në momentin e saj më të pavolitshëm që prej vitit 1991.?-tha Edith Harxhi.

Po ashtu ajo deklaroi se këto veprime të Bashës e sjellin PD-në në një situatë të cilën nuk e kemi kaluar as në vitin ?97, ndërsa shtoi se ?Megjithëse unë arrij përsëri të justifikoi deri në një farë mënyre djegien e mandateve me situatën në vend, përsëri arrij në përfundimin se ishte një akt i pakonsultuar?.

?Edhe pas pushkatimit pa gjyq të 16 deputetëve në parlamentin shqiptar në vitin ?45-?46, opozita shqiptare në atë kohë, ajo opozitë e brishtë që ishte nuk i dorëzoi mandatet.

Në vitin ?97, opozita e atëhershme e PD-së, me gjithë situatën e kirijuar nuk i dogji mandatet. Për këtë arsye mendoj se qëllimi nuk e justifikon mjetin, pasi mjeti ishte absolutisht radikal dhe inekstremist?-tha Harxhi.

Duke u rikthyer tek protestat dhe bojkoti i zgjedhje, ish-zv.ministrja, theksoi se ?Protestat dhe këmbëngulja e kreut të PD-së për të mos hyrë në zgjedhjet vendore, duke e lënë PD-në jashtë sistemit mendoj se kjo ka qënë një nga vendimmarrjet më të pakonsultuara me strukturat e PD-së. Nuk ka pasur forume në bazë për të dikutuar për pasojat që do të kishte një vendim i tillë. Mos marrja pjesë në zgjedhjet lokale ka të bëjë drejtpërdrejt me komunitetin?.

Ndër të tjera, Harxhi theksoi se PD do të marrë një kosto shumë të madhe në zgjedhjet e ardhshme.

?Zgjedhjet e e përgjithshme mund të përsëriten por zgjedhjet lokale është shumë e vështirë të përsëriten. Sepse kuptohet që mandatet që marrin kryetarët janë në të njëjtën kohë edhe mandate individuale dhe jo partiake.?-tha Edith Harxhi për CNA.al

Ish-anÃ«tarja e KÃ«shillit KombÃ«tar â??masakronâ? BashÃ«n/ Ja Â rruga e vetme pÃ«r rrÃ«zimin e RamÃ«s

Edith Harxhi â??shuplakÃ«â? qeverisÃ«/ DÃ«shtimi i negociatave, jo pÃ«r faj tÃ« BE-sÃ« Â