E fundit!

11:00 Denoncim

Dokumenti/ Familjarët e vrasësit të policit në Maliq përfituan fonde nga AZHBR

Vrasja e efektivit Enea Mekolli në krye të detyrës ka nxje...

Trondit Alibeaj: Mund ta rrëzojmë Edi Ramën edhe me luftë

21 Tetor 2019, 18:19, Politikë CNA

Duke folur për aksionin opozitar pas mbledhjes së sotme të aleatëve, ish deputeti demokrat, Enkelejd Alibeaj është shprehur se opozita i ka të gjitha mundësitë për ta rrëzuar Ramën nga pushteti qoftë edhe me dhunë apo luftë.

I ftuar në studion e emisionit ?Mbrëmje në ABC?, Albeaj teksa e cilëson qeverinë si përgjegjëse për ?jo?-në në negociata është shprehur se opozita kërkon rrëzimin e kryeministrit, por me votë të lirë, në rrugë demokratike.

?Çfarë duhet të bëjmë të gjithë në këtë rast?

Problemi është tepër i madh dhe kush e ka konstatuar këtë problem e di shumë mirë se kjo është përgjegjësi e qeverisë. Ajo është shkaktarja, mirëpo edhe opozita ka përgjegjësinë e vetë.

Rama duhej të ishte i pari që duhej të jepte dorëheqjen. Ne jemi vendosur për ta larguar , për ta hequr atë nga rruga e shqiptarëve drejt Europës. Kemi më shumë se 8 muaj, që kur filluam protestat për largimin e tij?

Ky person nuk pranon të jap dorëheqje . Për këtë njeri të përmbyset komplet, shi e rrebesh, këtij i lind dielli. Dielli i korrupsionit do të lind dmth dhe ne do të vijojmë aksionin opozitar me protesta masive, me çfardollojë mjeti për rrëzimin e tij. Unë besoj se edhe gjatë protestave të kaluara ne kemi arritur diçka.

Nëse në fillim këto lëvizjet antisistem të opozitës që nuk njihte Europa sepse kërkonte stabilitet, tani më nuk janë më problem pasi janë të nevojshme për të luftuar krimin dhe korrupsionin. Opozita mund ta marri pushtetin edhe me forcë,mund ta rrëzojmë Edi Ramën me luftë ose me përballje, e kemi fuqinë, ne kemi shqiptarëtme vete, por nuk e duam një gjë të tillë. Ne kërkojmë ta marrim pushtetin përmës reformave të lira dhe demokratike.

Ne jemi dakord për të përfshirë në Reformen Zgjedhore jo vetëm partit politike sikurse ka rekomanduar bundestagu, por edhe ekspert edhe shoqerinë civile. Vota nuk është e Edi Ramës, por e gjithë shqiptarëve.

Në mbledhjen e sotme të PD-së po diskutohet për disa propozime, të cilat do t?i shkojnë jo vetëm Ramës, por edhe shqiptërëve dhe shoqërisë civile?, është shprehur Alibeaj./ CNA.al