web counter
LEXO PA REKLAMA!

SHKARKO APP

App Store
Google Play

E fundit!

x

Cakaj nxjerr “zbuluar” Ramën/ Ja pse nuk jep dorëheqjen

19 Tetor 2019, 11:12, Politikë CNA

Ministri i Jashtëm në detyrë, Gent Cakaj ka dalë sot në një konferencë për mediat, ku ka folur në lidhje me Samitin e liderve të BE-së një ditë më parë, të cilët nuk arritën të merrnin një vendim për hapjen e negociatave me Shqipërinë dhe Maqedoninë e Veriut.

Cakaj tha se nuk ka pasur një unanimitet për çeljen e negociatave, por të gjithë kanë qenë në një linjë që Shqipëria ka përmbushur të gjitha kushtet dhe se vendimi ka qenë i ndikuar nga politikat e brendshme të BE-së.

Por, ndërsa është pyetur nga gazetarët nëse qeveria shqiptare ndien përgjegjësi në lidhje me këtë dështim, nisur nga fakti se Zaev ka çuar vendin në zgjedhje të parakohshme, Cakaj e bëri të qartë se Rama nuk ka ndërmend të marrë asnjë përgjegjësi për dështimin.

Për më tepër, Cakaj tha se në asnjë moment asnjë zyrtar i qeverisë nuk ka premtuar hapjen e negociatave, por se do të jenë të angazhuar në arritjen e objektivave.

” Përgjegjësia që institucionet kanë para publikut e kushtëzuar dhe matet me diskursin që kemi pasur me publikut. Në Maqedoni ka pasur premtime se nëse nuk hapen negociatat do të japin dorëheqjen, prandaj përgjegjësia e autoriteteve është krejtësisht e tyre. Unë nuk e di nëse Rama, unë apo i qeverisë ka premtuar se negociatat do të hapen, ne kemi thënë se jemi zotuar që do të bëjmë përpjekje por jo se do të jepet përfundimisht rezultati i pritur, tha Cakaj./ CNA.al





Lajmet e fundit nga