“Shpëto Alvin”/ Qytetarët mesazhe të forta Ramës

19 Tetor 2019, 08:10, Politikë CNA

Kryeministri Edi Rama në vijim të ritualit të tij të përditshëm, mëngjesin e sotëm ka përshëndetur ndjekësit e tij në rrjetet sociale, duke publikuar një video të një tjetër rasti ku kërkohej ryshfet, i cili ka marrë zgjidhje sipas tij duke aplikuar në portalin ?Shqipëria që duam?.

?Mirëmëngjes dhe me rastin e Altinit që pasi e shkroi problemin e tij te shqiperiaqeduam.al, jo vetëm gjeti zgjidhjen e shumëpritur, por edhe tronditi fort një institucion, ju uroj një fundjavë të bukur?-shkruan Rama në postimin e tij.

Por, pas këtij publikimi, qytetarët të cilët çdo ditë përballen me një realitet ndryshe nga ai që propagandon Rama, kanë shpërthyer në komente kundër kreut të qeverisë.

Por, mesazhet me të forta të qytetarëve drejtuar kryeministrit janë ?shpëto Alvin?, fëmija shqiptar i cili ndodhet në kampet e ISIS në Siri, për të cilin duhet ndërhyrja e autoriteteve shqiptare.

Media italiane ?Le Iene?, ka publikuar dy ditë më parë rastin e Alvin Berishës, një fëmijë 11 vjeç që është çuar në Siri nga nëna e tij, dhe tashmë kërkon të rikthehet tek babai, por ky i fundit nuk mundi ta merrte fëmijën, sepse për këtë duhet të ndërhyjnë autoritetet shqiptare.

E ndërsa gazetari italian telefonoi ambasadorin shqiptar në Turqi, ai i mbylli telefonin.

?Luigi mori ne tel ambasadorin shqiptare ne Turqi dhe ja mbylli per rastin e djalit Alvin ne kampet e Siris!!!! Si e shpjegon kete Z.Edi Rama??
Fundjave te bukur ty dha ambasadorit??-shkruan një qytetar.

Po ashtu një tjetër qytetar shkruan ?Po ai rasti i Alvin nuk u duket i pershtatshem per ta trajtuar .nuk u kushtonte asgje,por si gjithmon faji mbetet jetim.mjer ne populli shqiptar qe lam shume gjera ne dore tuaj.?.

Ndërsa një tjetër qytetar shkruan ?Me vjen keq qe ketu publikohen vetem rastet qe sipas jush jan zgjidhur.
Kjo zyra ka te pakten 1.5 muaj qe nuk me kthen pergjigje, edhe pse kerkoj nje dokument qe ndodhet ne zyrat e shtetit.
Me sa duket eshte kthyer ne nje zyre poste qe vetem mer dhe çon email.
Kam pershtypjen qe e kan shkelur besimin qe ju është dhene.?-shkruan një tjetër.