web counter
LEXO PA REKLAMA!

SHKARKO APP

App Store
Google Play

E fundit!

x

Ngjela zbulon frikën e madhe të Ramës/ Ja pse ishte kundër hapjes së negociatave

19 Tetor 2019, 06:21, Politikë CNA

Avokati i njohur Spartak Ngjela ka reaguar pasi vendet e BE nuk arritën në një unanimitet, në lidhje me çështjen e hapjes së negociatave me Shqipërinë dhe Maqedoninë e Veriut.

Në një postim në rrjetet sociale, Ngjela hedh akuza ndaj kryeministrit Edi Rama, për të cilin thotë se nuk ka qenë ndonjëherë për hapjen e negociatave me Bashkimin Europian.

Sipas Ngjelës, Rama ka pasur dhe ka shumë frikë nga 10 pikat e Merkelit, të cilat janë shpëtimi i Shqipërisë dhe likuidimi i korrupsionit të lartë shtetëror në Shqipëri.

Më tej ai thekson se rruga e vetme është dorëheqja e Ramës.

“Kurrë mos mendoni se Rama ka qenë ndonjëherë për hapjen e negociatave me Bashkimin Europian. Ai ka pasur dhe ka shumë frikë nga 10 pikat e Merkelit, të cilat janë shpëtimi i Shqipërisë dhe likuidimi i korrupsionit të lartë shtetëror në Shqipëri.

Rama duhet të japë dorëheqjen, nuk ka rrugë tjetër. Është krejt i paaftë, dhe kuptohet se është inspiruesi i politikës franceze për votën kundër çeljes së negociatave. Pse?
Sepse ka bllokuar SPAK-un me lloj-lloj mënyrash. Nuk ka asnjë rezultat në luftën kundër korrupsionit të lartë shtetëror . Shqipëria është vendi më i korruptuar i Europës.

Pse shkoi Rama në Serbi dhe kërkoi shengen me Serbinë dhe me Rusinë kundër Kosovës? Këtë kërëkon dhe Franca me Rusinë. Kjo në fakt është një politikë e vjetër antishqiptare brenda së cilës dyshoj se është edhe Rama.
Që të tregojë se nuk ka bërë një lojë të tillë antikombëtare, Rama duhet të japë dorëheqjen.
Zaevi, kryeministri i Maqedonise së Veriut, po pritet të japë dorëheqjen. Ai, sigurisht që është më dinjitoz se Rama…”-shkruan Ngjela./ CNA.al





Lajmet e fundit nga