E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Akuza e fortë e Bashës/ "Shqipëria, e Ramës dhe 10 pashallarëve të tij"

18 Tetor 2019, 17:08, Politikë CNA

Në një konferencë për shtyp, pak pas daljes publike të kryeministrit Rama pas ?jo?-së për negociatat, kreu i Pastisë Demokratike , Lulzim Basha është shprehur se është e pamundur të ndalet emigracioni i shqitptarëve drejt BE-së për shkak të kushteve ekstreme në të cilat ndodhet ekonomia e vendit.

Sipas Bashës, problemi kryesor sot është kapja e shtetit.

?Franca çfarë ka parë? Në vitin 2010 nisi lëvizja e lirë. 2010-2012 numri i azilantëve në total nuk mbushte kurrë 1 mijë në vit. Prej vitit 2013 filloan të shkojnë nga 1 mijë në muaj, pastaj 1 mijë në javë. Në 2015-ën ia kaluam sirianëve dhe afganëve bashkë në 8 nga 12 muajt.

Çfarë po ndodh?

Të gjitha këto sëmundje që duken në trupin e Shqipërisë dhe ata thonë ?prit, mos e hap derën akoma, se nuk është gati të hyjë?, ne i dimë dhe i njohim.

20 % e shqiptarëve ushqehen me lista. 2 në 10 familje ushqehen me lista.

47% e shqiptarëve nuk do të ngrohin dot shtëpitë në dimrin që po vjen, nuk kanë para për të ngrohur shtëpitë.

70% e shqiptareve i harxhojnë të ardhurat vetëm për bukë.

Nivele afrikane mjerimi. Ka njeri që mendon se mund të ndalet emigracioni drejt Gjermanisë, Francës, Hollandës, Anglisë duke vënë më shumë policë Frontex në kufijtë tanë dhe duke u mburrur. Kush mund ta ndali lëvizjen emigratore të shqiptarëve? PSE ndodh kjo?

Për fat të keq, Shqipëria nuk është më vendi i shqiptarëve. Institucionet e Shqipërisë nuk janë të shqiptarëve, por janë të Edi Ramës dhe të 10 pashallarëve të tij.

Cila është rruga për të dalë nga kjo krizë?

Të dashur qytetarët kjo krizë nuk është fundi sepse përballë na pret një e ardhme më e mirë. Na pret një e ardhme së bashku me partnerët tanë strategjik.

Kjo e ardhme tashmë është e jona, por ne duhet të besojmë se e nesërmja është ndryshe. Do të jetë një e ardhme ndryshe sepse ky është një vend i bekuar, por e vetmja e keqe është kapja e vendit.?/ CNA.al