E fundit!

11:00 Denoncim

Dokumenti/ Familjarët e vrasësit të policit në Maliq përfituan fonde nga AZHBR

Vrasja e efektivit Enea Mekolli në krye të detyrës ka nxje...

Historia drithëruese e vogëlushit shqiptar në Siri/ Rama: Nuk varet nga ne

18 Tetor 2019, 15:30, Politikë CNA

Në Konferencën për shtyp të mbajtur pas ?Jo?-së së BE-së për çeljen e negociatave së bashku me Ministrin e Jashtëm në Detyrë Gent Cakaj, Kryeministri Rama nuk ka lënë jashtë vëmendjes dhe historinë drithëruese të vogëlushit shqiptar , Alvin Berisha, në kampet e ISIS, të transmetuar mbrëmjen e djeshme në televizionin italian ?Le Iene?.

Sipas Ramës, nuk ka asgjë që trupa diplomatike mund të bëjë dhe se një situatë e tillë nuk mund të zgjidhet nga Ambasadat.

Rama u shpreh se jo vetëm Shqipëria, por asnjë vend tjetër nuk mund t?i tërheq këta persona lehtësisht nga kampet, mirëpo po merren masa dhe se fokusi i qeverisë është tek këta fëmijë edhe grate që kanë mbetur bë të tilla situata.

?Personat, familjët, individët gjenden në atë territor si pasojë e përfshirjes së burrave në një luftë për të tjerë.

Në bashkëpunim, me partnerët amerikan ne kemi filluar një proces të tërë identifikimi. Disponojmë të dhëna shumë sensitive, për shkak se ata njerëz e kanë të rrezikuar jetën e tyre në mënyrë të përgjithshme. Tërheqja e tyre nga ato kampe nuk mund të bëhet as me ambasadë dhe as me ambasadorë.

Jemi të akorduar me partnerët tanë kryesor. Janë një sërë grupesh të përfshira në proces. Nuk mund të ndajmë shumë informacione, por nëse do të ishte çështje ambasadash edhe vendet e tjera do të mund të kishin tërhequr këta persona.

Kam komunikuar edhe me të atin e djalit dhe i kam shpjeguar se nuk është çështje diplomatike sepse nuk bëhet fjalë për një situatë të zakonshme. Natyrisht që gazetarët mund të hyjnë në këto kampe dhe të filmojnë, mirëpo kjo nuk është e njëjta gjë për të shkuar dhe për të zhvilluar një operacion tërheqje për këta persona.

Unë thjesht doja ta ndaja këtë dhe të thoja se kjo është situata. Ne do të vazhdojmë punën tonë dhe siç iu thash jemi në koordinim të plotë me vendet e tjera.

Asnjë vend përfshirë italinë ku është transmetuar ky emision dramatik nuk ka mundur dot të bëjë diçka për t?i tërhequr.

Dua të them se fokusi ynë ka mbetur tek këta fëmijë apo edhe gratë të cilët ndodhen në situata të tilla për një plan për nxjerrjen e tyre nga kampet. Po ashtu, është paraqitur infrastruktura dhe janë marrë masa për transportimin e tyre më pas në Shqipëri.

Vijojmë të mbetemi në kontakt për transportimin e këtyre familjeve në struktura të socializuara.?, është shprehur ndër të tjera Rama./ CNA.al