web counter
LEXO PA REKLAMA!

SHKARKO APP

App Store
Google Play

E fundit!

x

Vendimi për negociatat/ Italia bën lëvizjen e papritur

19 Tetor 2019, 07:52, Politikë CNA

Pas vendimit të samitit të BE-së, mbi negociatat me Shqipërinë dhe Maqedoninë e Veriut ka ardhur një tjetër reagim nga Italia.

E ndërsa në media thuhet se vendimi për çeljen e negociatave me Shqipërinë dhe Maqedoninë e Veriut mund të ngelet për në Samitin e Zagrebit në Maj të vitit 2020, kryeministri Italian ka një tjetër propozim.

Gjatë një konferencë për shtyp në fund të samitit të liderëve të BE në Bruksel, Giuseppe Conte tha se Italia do t’i propozojë Bashkimit Europian të hapë në muajin nëntor negociatat për Shqipërinë dhe Maqedoninë e Veriut.

Po ashtu, Conte tha se një vendim i tillë është i gabuar sepse i hap rrugën ndikimit të vendeve të tjera që synojnë të zgjerojnë influencën e tyre.

“Nuk ishte në diskutim aderimi i këtyre vendeve, por hapja e negociata që shpesh zgjasin dhe vite. Ky është një shpullë e madhe për këto vende, gabim historik. Shumica e vendeve nuk kanë rënë dakord me këtë vendim të fundit dhe në nëntor do t’i propozojmë BE-së të hap në nëntor negociatat për Shqipërinë dhe Maqedoninë e Veriut. Mos hapja e negociatave, jo vetëm që krijon ankthe te këto dy vende por edhe hap i rrugën ndikimit të vendeve të tjera që synojnë të zgjerjojnë zonat e tyre të influences”, tha Giusepe Conte./ CNA.al





Lajmet e fundit nga