web counter
LEXO PA REKLAMA!

SHKARKO APP

App Store
Google Play

E fundit!

x

Negociatat me BE/ Austria jep lajmin e mirë për shqiptarët

8 Tetor 2019, 08:11, Politikë CNA

Austria mbështet hapjen e negociatave për Shqipërinë. Kështu është shprehur ministri i Jashtëm i Austrisë Alexander Schallenberg, i cili po zhvillon një vizitë në Shqipëri.

Gjatë konferencës me ministrin e Jashtëm në Detyrë, Gent Cakaj, Schallenberg theksoi se kushtet janë plotësuar dhe se BE tashmë duhet të bëjë atë që i takon.

Po ashtu ai tha se Austria do të ndihmojë familjet e prekura nga tërmeti i 21 shtatorit.

“Dua të shpreh ndjenjat thella për të prekurit nga tërmeti . Austria do të japë 200 mijë euro ndihmë dhe po shohim kërkesa të tjera që ka bërë kryetari i bashkisë së Tiranës. Por Austria do i ndihmojë të prekurit nga tërmeti në Shqipëri. Javën tjetër do të kemi vendimin e këshillit, ne duam të hapet drita e gjelbër për Shqipërinë dhe Maqedoninë. Ne besojmë se kjo ka të bëjë me kredibilitetin e tij, kushtet janë plotësuar, tani duhet të bëjmë atë që na takon ne. Ne jemi përpara diskutimeve të vështira, nuk ka ende unanimitet, por miqtë tanë shqiptarë mund të mbështeten te ne” tha ai./ CNA.al





Lajmet e fundit nga