E fundit!

21:26 Politikë

Balla reagon ndaj Athinës: Narta është tokë shqiptare, autoktone

Kryetari i Grupit Parlamentar të Partisë Socialiste dhe Dr...

Në Kosovë fituan zgjedhjet/ Në Shqipëri s’ka ende zgjedhje

7 Tetor 2019, 10:04, Politikë CNA

Dje, Kosova zhvilloi zgjedhjet e saj të parakohshme, dhe jo pak surprizë sepse në shtetin e ri kosovar në kaq pak vite demokraci, pas shpalljes së Pavarësisë ka pasur disa herë zgjedhje të parakohshme, por këto të djeshmet ishin më sinjikativet.

Jo thjeshtë nga rezultati që dhanë, duke nxjerrë një grup të rinjsh neomarksistë të drejtuar nga Albin Kurti si parti kryesore në vend, duke sjellë një ngritje të re të LDK-së dhe duke nxjerrë në opozitë PDK-në, apo duke mos i dhënë votën që pritej komandantit të UÇK-së, ish-kryeministrit Ramush Haradinaj. Por, për shkak të standartit që pati procesi zgjedhor, në Kosovë.

Një palë zgjedhje që mund të quhen fitorja e vërtetë. Pra, nuk është fitorja as e Albinit, as e Vjosës, as e Ramushit. Fitorja e ka emrin zgjedhje. Ka pasur një proçes të shkëlqyer, dhe një administrim spektakolar.

E ndërkohë që në Shqipëri prej 30 vitesh, sa herë ka zgjedhje, ka akuza, shit-blerje votash, vonim të shpalljes së rezultatit, tërheqje kandidatësh, apo siç pamë në 30 qershor zgjedhje monopartiake, me një parti në gjysmën e Shqipërisë, ku socialistët ishin të vetëm. Në Kosovë dje u zhvillua një proces i qetë, megjithëse kishte 30 të arrestuar nga policia, e cila kishte ndërhyrë në mënyrë emergjente dhe të shpejtë për të zgjidhur problematikat.

Në mesnatë mësuam rezultatin. Me disa qindra-mijëra vota, edhe pse me një rezultat të ngushtë, në finale mësuam se fituese ishte Vetëvendosja e ndjekur nga pas LDK-ja dhe PDK-ja.

Nuk ka distanca me qindra mijë vota, por janë rreth 5 apo 6 mijë vota, që bëjnë diferencën mes partive kryesore.

Por, nga ana tjetër me rreth 700 mijë vota të numëruar në të githë vendin, rezultati ka dalë afër mesnatës. Janë dashur rreth 5 orë që më pas Kadri Veseli, kryetari i PDK-së, të dilte dhe të pranonte humbjen.

Janë dashur po kaq orë që Vetëvendosja të shpallte fitoren dhe më pas të fliste edhe LDK-ja. Ç?ka do të thotë se zgjedhjet në Kosovë, pavarësisht se në një shtet të ri, kemi pasur një palë zgjedhje të administruara në mënyrë të shkëlqyer, të cilat zgjodhën një rezultat të pakontestuar, e të shumë mirë administruar nga të gjitha palët.

Prandaj, në Kosovë kanë fituar vetëm Zgjedhjet, të cilat fatkeqësisht në Shqipëri kanë 30 vite që nuk bëhen.

Imagjinoni sikur të ishte kjo ngushtësi rezultati në Shqipëri, pasi të ishin numëruar 70-80% të votave. Do të kishte bllokim të qendrave të votimit, dikush do të kërkonte hapjen e kutive, do të bllokohej integrimi për një kryetar qarku që nuk i duhet askujt, njerëzit do dilnin në rrugë, do të kishte tërheqje komisionerësh, pas ca ditësh do të dilni rezultati, e të tjera si këto stile manipulimi që në vendin tonë nuk kanë pasur të ndalur. Dhe Kosova dje me zgjedhjet, i dha një leksion edhe Shqipërisë./ CNA.al