web counter
LEXO PA REKLAMA!

SHKARKO APP

App Store
Google Play

E fundit!

x

Gara shpejtësie dhe të dehur në timon/ Policia bën “namin” në Tiranë

26 Shtator 2019, 16:47, Aktualitet CNA

Gjatë 24 orëve të fundit, policia e Tiranës ka arrestuar 8 drejtues mjetesh dhe motomjetesh, për drejtim mjeti në gjendje të dehur dhe pa Leje drejtimi.

Sipas njoftimi të policisë, janë pezulluar 12 Leje Drejtimi për shpejtësi tej normave të lejuara, 11 për drejtim mjeti nën efektin e alkoolit si dhe dy drejtues mjetesh janë ndëshkuar për gara shpejtësie.

Njoftimi i policisë:

Kontrolle të kombinuara me agjentë civilë dhe të uniformuar, në rrugë urbane dhe interurbane, për dokumentimin dhe procedimin e shkeljeve të rregullave të qarkullimit rrugor nga drejtuesit e mjeteve, që për nga rrezikshmëria, mbeten burimi kryesor i aksidenteve rrugore, me pasoja fatale për shëndetin dhe jetën e përdoruesve të rrugës.

Gjatë 24 orëve të fundit janë arrestuar në flagrancë 8 drejtues mjetesh dhe motomjetesh, për drejtim mjeti në gjendje të dehur dhe pa Leje drejtimi.

Janë pezulluar 12 Leje Drejtimi për shpejtësi tej normave të lejuara, 11 për drejtim mjeti nën efektin e alkoolit si dhe dy drejtues mjetesh janë ndëshkuar për gara shpejtësie.

Rrugorët e kryeqytetit do jenë të fokusuar edhe ditët në vijim në verifikimin e shkeljeve që janë burim për aksidente rrugore, pa asnjë tolerancë ndaj atyre që rrezikojnë veten dhe të tjerët, me mënyrën se si e përdorin rrugën dhe mjetin, në raport me rregullat e qarkullimit rrugor./CNA.al





Lajmet e fundit nga