E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Përgjigja "bombë" e Bregut/ "Reforma në Drejtësi dhe vettingu kanë stepur rajonin"

24 Shtator 2019, 18:33, Aktualitet CNA

“Shqipëria po kryen një reformë do të thoja radikale të insitucioneve të saj të drejtësisë. Vetingu ka nxjerrë jashtë sistemit një numër të madh gjyqtarësh e prokurorësh, që shoqërua dhe me vakum në këto institucione. Maqedonia e Veriut nga ana tjetër është ende në hapat fillestare të Reformës në Drejtësi. Megjithatë kjo nuk e shquan shqetësimin publik mbi korrupsionin dhe nuk shihet ndonjë prirje për rikthim të besimit të fortë tek drejtësia. Ku qëndron problemi?”, ka qenë një tjetër pyetje që radioja “Zeri i Amerikës” i ka adresuar sekretares së Përgjithshme të Këshillit të Bashkëpunimit Rajonal, Majlinda Bregu.

“E para unë nuk pres dhe nuk besoj se ndokush ka pritur që Reforma në Drejtësi në Shqipëri, e cila nisi me ndryshimin e kuadrit ligjor, të kishte rezultate për të kthyer besimin tek drejtësia brenda dy viteve. Ajo që mund të them është se tronditja që solli miratimi i Reformës në Drejtësi në Shqipëri dhe procesi i vetingut, po aq sa dhe vakumi i krijuar në drejtësi, ku nuk ka Gjykatë të Lartë dhe Gjykatë Kushtetuese, ku procesi i vetingut herë pas here po vonon ngritjen e institucioneve për faktin se një pjesë e mirë e gjyqtarëve e prokurorëve nuk po kalojnë dot barrën e provës nëse mund ta quajmë kështu, ka krijuar një lloj stepjeje tek vendet e tjera të rajonit. Pra reforma në drejtësi shihet si një nga ato reforma në të cilat duke patur parasysh edhe çfarë po ndodh në Shqipëri, ku sistemi i drejtësisë pothuajse në një farë mase po boshatisët, disa vende në rajon e kanë të vështirë të pranojnë t?i hyjnë e të jenë pjesë e një ushtrimi të tillë”, ka qenë përgjigja e znj. Bregu./CNA.al