web counter
LEXO PA REKLAMA!

SHKARKO APP

App Store
Google Play

“Skenarë për djegien e Kuvendit”/ PD i përgjigjet Metës

9 Shtator 2019, 14:45, Politikë CNA

Pas deklaratave të Presidentit Ilir Meta, i cili tha sot në Komisionin hetimor parlamentar  se më datë 8 qershor ka patur informacion për një plan i cili synonte të digjej Kuvendin e Shqipërisë, ka ardhur edhe reagimi nga PD.

Përmes  sekretarit të Përgjithshëm i Gazment Bardhi, PD i hedh poshtë këto deklarata, ndërsa thekson se opozita e bashkuar nuk ka pasur kurrë një plan për djegien e institucioneve dhe se këta ishin skenarë të kryeministrit Edi Rama.

?Partia Demokratike dhe opozita e bashkuar nuk ka pasur kurrë asnjë plan për djegien e institucioneve, pavarësisht se ato nuk përfaqësojnë interesin publik, por interesin e një grupi oligarkësh dhe kriminelësh të lidhur me kryeministrin e vendit.
Partia Demokratike fton mediat të hapë arkivat e javëve përpara 30 qershorit dhe do të gjejë se opozita dhe kreu i saj, Lulzim Basha, ka denoncuar skenarët e dhunshëm të Edi Ramës, që ka pasur për qëllim t?i përdorë më pas kundër PD dhe opozitës.
Në këtë këndvështrim, duhet të lexohet edhe deklarata e Presidentit Ilir Meta, i cili u shpreh se ?nuk mund të pranonte një Rajshtag në Shqipëri?. Të gjithë e dinë se me djegien e dyshimtë të Parlamentit gjerman, Hitleri çimentoi pushtetin nazist pas ardhjes në pushtet pak kohë para djegies së Rajshtagut?, ka deklaruar Bardhi  për ?Panorama?.

Ai theksoi më tej se ?Partia Demokratike e konsideron komisionin hetimor për shkarkimin e Presidentit si një mjet për të mbuluar skandalet e qeverisë ilegjitime të Edi Ramës, ndërsa anëtarët e këtij komisioni, personazhe të dosjeve 184 dhe 339, si bashkëpunëtorë të krimit në vjedhjen e zgjedhjeve lokale dhe parlamentare?./CNA.al

 





Lajmet e fundit nga