web counter
LEXO PA REKLAMA!

SHKARKO APP

App Store
Google Play

Fatmir Mediu mesazh të fortë Bashës/ Jo më marrëveshje personale me Ramën

9 Shtator 2019, 13:31, Politikë CNA

Aleati i Partisë Demokratike, kreu i Partisë Republikane, Fatmir Mediu kërkon dialog me mazhorancën, por të ndërmjetësuar nga ndërkombëtarët.

?Duhet të ketë negocim pozitë dhe opozitë. Z.Basha nuk ka thënë se nuk është për dialog. Faktori ndërkombëtar pas zgjedhjeve të 30 qershorit donte të ndërmjetësonte një dialog mes pozitës dhe opozitës. Bashkë me zotin Basha, në të gjitha takimet që kemi zhvilluar, më tej dhe me zonjën Kryemadhi kemi rëndë dakord që duhet të ketë një dialog të facilituar nga ndërkombëtarët. Ai që nuk ka qenë dakord ka qenë Caka i Ramës dhe Rama i Cakës. Këta të dy kanë refuzuar kërkesën e OSBE për këtë çështje. Ne kemi vazhduar të kërkojmë që të ketë një dialog, sepse dialogu i shërben interesit të vendit.?-tha Mediu, në një intervistë për Gazetën Shqiptare.

Por, Mediu i ka drejtuar një mesazh mjaft të qartë kreut të PD-së, ndërsa është shprehur se është pro negociatave, por jo të drejtpërdrejta mes dy liderëve politikë, Lulzim Basha e Edi Rama.

?Mendoj se Basha tashmë kupton që duhet të përfaqësojë zërin e opozitës. Është shumë herë më mirë kur ulen pozita dhe opozita me njëra-tjetrën, sepse jemi shumë më tepër për t?u angazhuar në bisedime dhe për të gjetur zgjidhje sesa ta lëmë në momente të gjykimit personal apo një interesi momental personal të Ramës apo dhe Bashës. Është shumë e rëndësishme të ulemi në mënyrë institucionale sesa private.?-u shpreh Mediu.

Fatmir Mediu shprehet se opozita nuk është vetëm protestë. Aleati i Bashës apelon: ?Duhet të riformatojë sa më shpejt vendimmarrjen, raportin ndërkombëtar, aksionin politik, duhet të ketë një nivel tjetër të përfaqësimit diplomatik, duhet të gjejë rrugët e zgjidhjes për reforma të rëndësishme. Ideja e Bashës ishte që duhet të ketë platformë. Ne patjetër në radhë të parë duhet të strukturojmë më vetveten. Të mos ecim vetëm me idenë vlen apo nuk vlen kryeministri dhe qeveria?./ CNA.al





Lajmet e fundit nga