web counter
LEXO PA REKLAMA!

SHKARKO APP

App Store
Google Play

E fundit!

x

Live-Meta e thotë copë: Basha dhe Monika do digjnin Kuvendin në 8 qershor

9 Shtator 2019, 09:03, Politikë CNA

Presidenti Ilir Meta ka akuzuar direkt Lulzim Bashën dhe bashkëshorten e tij Monika Kryemadhi, se do digjnin Kuvendin në datën 8 qershor.

Gjatë fjalës së tij në komisionin hetimor parlamentar ngritur për shkeljet Kushtetuese,  Presidenti Meta, tha se ?Një arsye themelore është siguria e vendit. Presidenti ka patur informacione të mjaftueshme për përjekjet për të organizuar akte destabilizimi në vend. Një ditë para se presidenti të bënte paralajmërimin e tij për anulimin e datës 30 qershor, kam marrë një informacion sekret dhe të klasifikuar i cili bënte të qartë se në datën 8 do djegjnin  Kuvendin e Shqipërisë. Ky ishte një informacion tërësisht i besueshëm?, tha Meta.

Presidenti i Republikës po përpiqet të justifikojë shtyrjen e datës të zgjedhjeve dhe çdekretimin e 30 qershorit duke theksuar se në datën 7 ai ishte informuar se në mitingun që do zhvillonte të nesërmen opozita do digjej Kuvendi.

?Me ekipin tim dhe me informacionin sekret shtetëror që kisha gjykuam se ishte momenti i duhur për të parandaluar një ngjarje që mund të sillte pasoja te mëdha. Isha i bindur se ishte detyra ime që të beja gjithçka që në datën 8 qershor të evitohej një ngjarje e tillë dhe në këtë mënyrë të krijojë mundësinë për një reflektim midis të dy palëve? theksoi Presiendeti i Republikës.

Ilir Meta në qëndrimin e tij harron të theksojë se protestën e datës 8 e organizonte Lulzim Basha dhe Monika Kryemadhi, bashkëshortja e tij që drejton partinë e themeluar prej tij, me ish-ministrat e tij. Mos vallë atë që do digjte Kuvendin e kishte në krevat?!/CNA.al





Lajmet e fundit nga