Komisioni i Venecias takime në Tiranë/ Basha përjashtohet nga axhenda

8 Shtator 2019, 09:03, Politikë CNA

Një delegacion i Komisionit të Venecias do të “zbresë”, nesër në Tiranë, në lidhje me dokumentimin e shkeljeve të pretenduara kushtetuese të Presidentit të Republikës, Ilir Meta, në vendimin për të anuluar 30 qershorin si datë për zgjedhjet lokale.

Disa media në prag të ardhjes së deelgacionit, raportuan se të dërguarit e Venecias përveç krerëve të shtetit dhe autoriteteve që ata kanë përzgjedhur, do të zhvillonin dhe një takim zyrtar me kreun e PD-së Lulzim Basha,

CNA.al mbodhi informacione prej të cilave mësoi se delegacioni i Komisionit të Venecias nuk ka takim zyrtar me Lulzim Bashën. Komisioni i Venecias, duket se nuk i njeh partitë që kanë dalë nga sistemi. Në këto rrethana e ka braktisur totalisht si dhe ka refuzuar takimin me Lulzim Bashën.

Pas një investigimi CNA.al mësoi se përfaqësuesit e Komisionit të Venecias pas thirrjeve të shumta nga Tirana zyrtare dhe kërkesës së bërë prej Partisë Demokratike kanë pranuar jo të zhvillojnë takim zyrtar, por të pinë një kafe në orën 8 të mëngjesit në hotel “Rogner” me Oerd Bylykbashin e PD-së dhe Klajda Gjoshën e LSI-së.

Ajo që bie në sy në axhendën e Komisionit të Venecias të bërë publike në faqen e tyre zyrtare është se nuk është parashikuar takim i delegacionit me opozitën joarlamentare

Pra, Komisioni i Veneciaa do të vijë të zhvillojë takime me Presidentin, me Kuvendin, Komisionin Parlamentar hetimor si dhe autoritete që mendon se janë të arsyeshme për procesin e kërkuar, por ka braktisur PD dhe Lulzim Bashën.

“Një delegacion i Komisionit të Venecias do të vizitojë Shqipërinë në kuadër të përgatitjes së projekt-opinionit për kompetencat e një Presidenti për të caktuar datat e zgjedhjeve në një sistem parlamentar. Delegacioni do të takojë autoritetet shqiptare: Presidenti i Shqipërisë, Kryeministri, Kryetari i Kuvendit dhe përfaqësuesit e mazhorancës dhe opozita në Kuvend, përfshirë Komisionin e Posaçëm Hetues, si dhe Ministrin e Brendshëm, përfaqësuesit e Komisionit Qendror të Zgjedhjeve dhe ushtruesin e detyrës Kryetari i Gjykatës Kushtetuese”, njoftohet në faqen zyrtare të Komisionit të Venecias.

Kjo është e gjithë axhenda. Pra, përtej lajmeve se ka një takim zyrtare dhe Komisioni i Venecias do të takohet me zyrtar të lartë të Partisë Demokratike kjo nuk është e vërtetë.

Komisioni i Venecias nuk ka në axhendë takim me Lulzim Bashën dhe Partinë Demokratike, por një kafe me Bylykbashin dhe Gjoshën./CNA.al