web counter
LEXO PA REKLAMA!

SHKARKO APP

App Store
Google Play

Raporti i OSBE-ODIHR/ Hajdari: Të gjitha palët fajtorë

7 Shtator 2019, 16:18, Politikë CNA

Kryetarja e grupit parlamentar demokrat, Rudina Hajdari, ka folur për raportin e OSBE-ODIHR për zgjedhjet e 30 qershorit.

Sipas Hajdarit raporti i bën të gjitha palët fajtore për atë që ndodhi me 30 qershor, ndërsa thekson se PS dështoi me kandidatët dhe mënyrën se si i bëri zgjedhjet.

?Raporti ishte një raport i drejtë dhe si çdo herë tjetër, i balancuar që i bëri të gjitha palët të ishin fajtorë për atë që ndodhi me 30 qershor. Kështu që nuk përjashtohet asnjë palë. Që do të thotë që 30 qershori është një datë që nuk duhet të ndodhte.

Shqiptarët nuk duhet të kishin zgjedhje pa kandidat. Ne jemi në një situatë që lamë 31 bashki pa përfaqësues dhe në këtë rast Partia Socialiste dështoi. Dështoi se si i bëri zgjedhjet, por dështoi dhe se futi kandidatë jo të denjë.

Por nuk mund ti bije gjithë përgjegjësia vetëm Partisë Socialiste, sepse PD dhe LSI e kishin në dorë të futeshin në zgjedhje dhe të mendonin edhe për qytetarët shqiptarë që sot janë larguar nga puna, nga postet.

Ne nuk i dhamë shqiptarëve një palë zgjedhje që i meritonin dhe jemi sot në kushtet që jemi.

Në këto kushte që ndodhemi sot nuk mund të ketë zgjedhje të parakohëshme ndaj duhet të fokusohemi tek reforma? , theksoi Hajdari në studion e ?Kjo Javë? në News 24./CNA.al





Lajmet e fundit nga