web counter
LEXO PA REKLAMA!

SHKARKO APP

App Store
Google Play

E fundit!

x

“Dreqi si merr vesh këta socrralistët”/ Çlirim Gjata ironizon Cakajn

6 Shtator 2019, 19:13, Politikë CNA

Juristi i njohur, njëkohësisht Sekretar për Çështjet Ligjore në Partinë Demokratike, ka reaguar pas deklaratës së Ministrit të Jashtëm në Detyrë, Gent Cakaj, i cili akuzoi opozitën për kritikat e raportit të OSBE-ODIHR-it, për zgjedhjet vendore të 30 qershorit.

Në një postim në rrjetet Gjata shkruan se ?E kam vështirë të flas për zotin Cakaj, i cili edhe është edhe nuk është Ministër i Jashtëm. Edhe është në detyrë, edhe nuk është në detyrë. Dreqi si merr vesh këta socrralistët, si quhen rilindasit, me kompetencat dhe detyrat që kanë, edhe janë Ministra, edhe nuk janë Ministra. Por edhe ndonjë fare vlere të madhe personale, apo ndonjë personalitet i madh i shquar me të cilin mund të debatohet dhe në distancë nuk është?.

Më tej, Gjata thekson se problemi kryesor është kryeministri Rama, dhe jo ata që ai i quan figurantë të vendosur prej tij në qeveri.

?Problemi është te një person, një grup i ngushtë rreth këtij personi që është Edi Rama. Nuk qeveris por thjesht sundon, vjedh dhe blen zgjedhje dhe bashkëpunon me krimin e organizuar, jep mbështetje dhe merr përfitime nga krimi i organizuar, pastron paratë me oligarkët. Ky është problemi i madh, çfarë Gent Cakaj? Janë kot, figurina që i vendos Edi Rama që as vetë nuk e dinë që u gdhinë një ditë të bukur edhe Ministra, edhe jo Ministra.?-shkruan Gjata./ CNA.al





Lajmet e fundit nga