E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm Besfort Lamallari ka zbarkuar në Drej...

Luksi i Etilda Gjonajt/ Andi Përmeti zbret 'skandalin' në Komisionin e Ligjeve

6 Shtator 2019, 09:55, Politikë CNA

Deputeti i Bindjes Demokratike, Andi Përmeti ka rikthyer në vëmendje, shpenzimet e luksit të Ministrisë së Drejtësisë Etilda Gjonaj.

Në Komisionin e Ligjeve, teksa po shqyrtohej dekreti i Presidentit Ilir Meta për kthimin në Kuvend të ligjit për ndryshimet në Kodin Penal, Përmeti ka propozuar një ndryshim.

“Ndryshimet në Kodin Penal kanë qenë ndryshime pozitive. Është bërë një punë e madhe për një kod, i cili s’ka lidhje me politikën. Unë personalisht kam propozuar disa ndryshime/përmirësime të neneve, të diskutuara me Znj. Xhina dhe Znj. Hysi. Unë besoj që është bërë një punë e mirë për të rritur mbrojtjen juridike ndaj qytetarëve shqiptar. Por për të qenë i sinqertë dhe në rregull me ndergjegjjen time po të kthehesha pas do të bëjë edhe një tjetër propozim, do te propozoja: Shpërdorimin për luks të parave publike në rastet kur një person që ushtron funksione publike zgjedh të paguaj 700 euro nata në nje hotel nga taksat e shtetit më të varfer në botë. Kaq i detyrohemi taksapaguesve”, ka thënë Përmeti.

Por sipas kreut të Komisionit të Ligjeve Ulsi Manja, gjithçka është e përcaktuar në Kodin Penal dhe nuk ka nevojë për ndryshime

Ndërkohë, Ministrja Etilda Gjonaj, e cila ishte e pranishme në Komision fillimisht ka heshtur dhe më pas i ka bërë një ftesë, deputetit Përmeti.

“Ftoj Përmetin te mos bjerë pre e lajmeve të rreme. Përmeti të ftoj të bëhesh pjesë e grupit të punës për Kodin Penal dhe të jap rekomandimet”, i është drejtuar Ministrja.

Parparakisht Ministrja Gjonaj, ka deklaruar se ndryshimet e propozuara në Kodin Penal kanë për qëllim luftën ndaj kriminalitetit.

?Ndryshimet që janë propozuar në Kodin Penal kanë pasur si qëllim luftën pa kompromis ndaj kriminalitetit. Duke pasur në konsideratë që ka pasur mungesë të instrumenteve për të luftuar forma të reja të krimit, janë sjellë këto ndryshime”, ka thënë “ministrja e luksit”./CNA.al