web counter
LEXO PA REKLAMA!

SHKARKO APP

App Store
Google Play

"Ka politikanë që veprojnë, për të mos hapur negociatat"/ Ralf Gjoni bën deklaratën e fortë

5 Shtator 2019, 14:55, Politikë CNA

Deputeti i Grupit të Pavarur Parlamentar, Ralf Gjoni ka thënë se ka  besim se Reforma në Drejtësi do të funksionojë shumë mirë.

I ftuar në emisionin “45 minuta” në Report Tv, Gjoni ka thënë se SPAK dhe BKH  posa të fillojnë  duhet të vënë para drejtësisë politikanët që janë përfshirë në afera dhe shkelje.

Sipas tij, në vendin tonë ka politikanë që i shkelin syrin njeri tjetrit për të mos u hapur negociatat.

“OSBE nuk certifikon zgjedhje, por vëzhgon dhe raporton. Raporti miratoi atë të mëparshëm. Nuk ka nevojë për raport. Ne jemi në një krizë të thellë shtetërore, ndoshta që prej 1991 me të pa precedentën.  Edhe njerëzit e punësuar të gjithë duan të ikin. Edhe ne si opozitarë të rinj e ndjejmë trysninë tek forca jonë parlamentare”, është shprehur Gjoni.

Sipas tij, hapja e negociatave do të jetë shumë e dhimbshme dhe skanimi të çdo pjese.

“Për këtë arsye politikanët historik plan prishës kanë punuar dhe do të vijojnë t’i shkelin syrin njëri tjetrit për të mos hapur negociatat. Nëse SPAK nuk ndëshkon zyrtarët që kanë abuzuar, kredibiliteti i SPAK dhe BKH dhe Reformës ka rënë përtokë. Këtë e dinë amerikanët dhe bajraktarët”, është shprehur më tej ai./CNA.al





Lajmet e fundit nga