web counter
LEXO PA REKLAMA!

SHKARKO APP

App Store
Google Play

E fundit!

x

Përplasjet mes Ramës dhe Metës/ Manjani zbulon prapaskenat

7 Shtator 2019, 10:40, Politikë CNA

Ish-ministri i Drejtësisë në qeverinë ?Rama 1?, Ylli Manjani ka reaguar në lidhje me përplasjet mes Metës dhe Ramës, si dhe nismën e mazhorancës për shkarkimin e presidentit.

Në një postim në rrjetet sociale, Manjani e cilëson nismën për shkarkimin e presidentit si një debat shterpë, nga i cili nuk do të dalë asgjë, përveçse humbje kohe.

Sipas Manjanit, nuk do dalë asgjë nga ky debat as kush ka të drejtë, dekreti apo zhvillimi e zgjedhjeve pa dekret.

?Vetëm sa do shtyjë kohën, të paktën edhe disa ditë, Edi Rama. Do shmangë vemendjen publike nga problemet reale, tepër kritike për vendin.

Ndaj, nuk duhet kushtuar asnjë sekond çështjes së stisur, por vemendje tek çështjet reale.?-shkruan Manjani.

Postimi i plotë:

Pa dyshim, vendi ka çështje shuuuuum më të mprehta e serioze sesa debati shterpë mbi shkarkimin e Presidentit të Republikës.

Nuk ka asnjë kuptim të harxhohet kohë publike me “çfarë tha Ulsiu” apo “deklaroi Meta”…

Muhabet kot! Krejt pa lidhje!

Nga ky debat nuk do marrim vesh as si kthehen ekonomia dhe shteti në normalitet; as se si do pastrohet politika nga kriminelët, të droguarit e të papërgjegjshmit; as se si do ndalohet vjedhja shtetërore e pasurisë publike e private; as se si do vendosen shinat e demokracisë që mungon; as se si do garantohen zgjedhje demokratike nga pushteti absolut monist; as se si do ndalohen Komitetet Ekzekutive të Partisë Socialiste (të Rilindur) dhe të rikthejmë demokracinë lokale; as se si do ndalet monizmi e si do rivendoset pluralizmi.

Nuk do dalë nga ky debat as kush ka të drejtë, dekreti apo zhvillimi e zgjedhjeve pa dekret.

Vetëm sa do shtyjë kohën, të paktën edhe disa ditë, Edi Rama. Do shmangë vemendjen publike nga problemet reale, tepër kritike për vendin.

Ndaj, nuk duhet kushtuar asnjë sekond çështjes së stisur, por vemendje tek çështjet reale./ CNA.al





Lajmet e fundit nga