web counter
LEXO PA REKLAMA!

SHKARKO APP

"Politika shqiptare ka prekur fundin"/ Astrit Patozi denoncon pazarin Rama-Meta

9 Shtator 2019, 19:41, Politikë CNA

Astrit Patozi, drejtuesi i Bindjes Demokratike ka qenë pjesë e emisionit “Open” në TV “Top Channel” ku në qendër të diskutimit ka qenë qëndrimi i presidentit Ilir Meta përpara Komisionit  Hetimor parlamentar, nga ku bëri dhe deklaratën bombë lidhur me arsyen përse e çdekretoi mbajtjen e zgjedhjeve në 30 qershor. Meta tha se dispononte informacione të besueshme që segmente të dhunëshme të protestuesve të opozitës do të digjnin Parlamentin.

Në koment të seancës së sotme, Patosi ka zbuluar pazarin që fsheh kjo lojë e ndyrë.

“Është një lojë e ndryrë që luajnë aktorët politikanë. Kjo është një luftë gjelash… Ilir Meta është pjesë e një pazari të bërë më herët në mes Edi Ramës dhe Ilir Metës. Duke marrë presidencën Meta i ka siguruar Ramës pjesmarrjen e LSI në zgjedhjet e 2017, në qoftë se nuk do të ishte PD-ja në zgjedhje. Pastaj marrëveshja Rama-Basha e thelloi krizën. Kjo tregon se politika shqiptare ka prekur fundin”, ka thenë Astrit Patozi./CNA.al





Lajmet e fundit nga