web counter
LEXO PA REKLAMA!

SHKARKO APP

App Store
Google Play

Raporti OSBE për Bashën/ Ushtroi dhunë dhe vandalizëm

5 Shtator 2019, 07:53, Aktualitet CNA

Një ditë më parë, misioni i OSBE/ ODIHR ka publikuar raportin për zgjedhjet lokale të 30 qershorit që u zhvilluan në Shqipëri.

Raporti përfundimtar thotë se procesi i numërimit ka qenë përgjithsësisht i rregullt, ndërsa nxjerr në pah disa mangësi në zhvillimin e tyre. Sipas OSBE/ODIHR zgjedhjet e 30 qershorit në Shqipëri u zhvilluan në kushtet e një krize institucionale, por sa i përket klimës politike në vend, raporti i ka dhënë një ?shuplakë? të fortë edhe kreut të opozitës, Lulzim Basha.

Në raport theksohet se në ditën e zgjedhjeve, ka pasur disa raste vandalizmi nga ana e opozitës, edhe pse të izoluara.

?Dita e zgjedhjeve qe përgjithësisht paqësore, me protesta të vogla dhe disa raste të izoluara vandalizmi ose dhune të vërejtura në disa zona. Sipas KQZ-së, votimi nuk mund të zhvillohej në shtatë qendra votimi.?-thuhet ndër të tjera në raport.

Gjithashtu raporti i OSBE/ODIHR flet edhe për situatën parazgjedhore dhe protestat e opozitës, ndërsa thekson se shumë nga të cilat u shoqëruan me akte dhunë dhe vandalizmi.

Raporti thekson se ?Mjedisi politik para zgjedhjeve ishte i polarizuar dhe antagonist.2 Në muajin shkurt, pas rrëzimit nga parlamenti të iniciativës së tyre për vetingun e politikanëve, partitë e opozitës, Partia Demokratike (PD) dhe Lëvizja Socialiste për Integrim (LSI), u tërhoqën nga parlamenti. PD-ja dhe LSI-ja, së bashku me disa parti më të vogla, bënë të ditur se nuk do të merrnin pjesë në zgjedhje deri në dorëheqjen e Kryeministrit Edi Rama (PS) dhe formimin e një qeverie tranzitore që do të organizonte zgjedhjet e parakohshme parlamentare. Protesta të vazhdueshme të opozitës, të drejtuara nga PD-ja, u shenjuan nga dhuna dhe vandalizmi kundër institucioneve shtetërore, duke përfshirë më vonë edhe administratën zgjedhore.?/ CNA.al





Lajmet e fundit nga