web counter
LEXO PA REKLAMA!

SHKARKO APP

App Store
Google Play

E fundit!

x

Pasojat që na vijnë nga lapsuset apo gafat e Rudinës

3 Shtator 2019, 07:51, Aktualitet CNA

Rudina Hajdari nuk shquhet për ndonjë oratori të rrallë parlamentare dhe nuk është as më pak e as më shumë sesa një deputete, e cila prej disa muaj ka filluar të flasë mendimin e saj të lirë.

Nuk ka eksperiencë politike, e shkolluar në SHBA, nuk do të thotë të kesh oratorinë e Ramës, forcën e debatit të Berishës, apo të jesh Fevziu i ?Opinionit? në parlament.

Dje në seancë ajo sërish bëri dy lapsuse, në tentativë për të folur me kokën lart, duke mos lexuar çfarë ka shkruar në letër. Në fakt lapsuset apo gafat e Rudinës janë një ?hall? i madh për shqiptarët dhe Lulzimsat në veçanti, që kanë harruar Ramën dhe i vërsulen çdo demokrati që nuk mendon si kryetari i tyre i paaftë dhe ortak i qeverisë.

I janë vërsulur sikur çfarë ka bërë vajza e re e cila nuk pranoi të zbatonte vendimin e çmendur të Bashës për djegien e mandateve, por dëgjoi apelin e ndërkombëtarëve dhe SHBA në veçanti.

Rudina e re në politike kohët e fundit është shpesh objekt sulmi nga Lulzim Basha dhe stafi i tij. Dje e futi në listë duke e përdorur kundër ?armiqve? të vjetër, tani e shpalli atë ?armike? të re.

Lapsuset apo gafat e saj, përtej çdo buzëqeshjeje që shkaktojnë janë thjesht të tilla, asgjë më shumë nuk kanë asnjë pasojë. Ajo nuk ja kalon dot çunit të Fahriut kur fliste në parlament, apo vetë Lulzim Bashës që 7*7 i bënte 42 dhe ky është kandidati për kryeministër, kurse ai tjetri kërkon Ministër i Brendshëm. (videot i keni më poshtë).

Gafat dhe lapsuset e Lulit kanë pasoja, po të doni edhe të çunit të Fahriut. Kur Rudina i kërkoi Bashës të digjte mandatet e të bashkohej me studentet në dhjetorin e vitit të shkuar, Luli e kundërshtoi bashkë me çetën e detutetëve të tij të paaaftë, më pas shkoi dhe i dogji kur SHBA dhe partnerët ndërkombëtarë i thanë jo.

PD është në një situatë kritike me ndërkombëtarët, nxjerr qarkore qesharake, shpall mediat armike etj si këto, dhe të gjitha shkak kanë Lulzim Bashën dhe gafat e tij, pasojat i dinë të gjithë. Pasojë është edhe çuni i Fahriut dhe çdo qesharak që pa meritë e asnjë kontribut është në elitën e PD, çka ka bërë që shqiptarët ta braktisin Lulin, përfshirw këtu edhe për aleancën me LSI.

Për më tepër, Mona në PD vlen shumë herë më pak se Rudina Hajdari, por Luli e ka në piedestal, bashkëshorten e presidentit tonë të korruptuar.

Sa qeshin, jargaviten e gajasen me Rudinën, demokratët duhet të ulërasin për aleancën e korrupsionit që ka krijuar Basha, duhet të kërkojnë llogari tek kryetari i PD pse e ka katandisur në këtë gjendje, pse e ka futur në rrugë pa krye, pse ndërkombëtarët po e konsiderojnë si organizatë seperatiste, pse është PD e përçarë, pse s?ka alternativë por vetëm fjalë boshe, pse u shitën listat e deputetëve, pse PD s?ka më deputetë, këshilltarë, kryetarë bashkish?

Të gjitha këto janë për gafat apo lapsuset e Lulit që fillojnë përpara marrveshjes famëkeqe me Edi Ramën për interesat e tij klienteliste. Këtu fillon problemi i vërtetë, jo lapsuset e Rudinës, ato janë thjeshtë nxitime pa pasoja, kurse ato të Lulit janë veprime të qëllimshme politike që duan t?i justifikojnë si lapsuse apo gafa.

Përtej qeshjes me artikulimin e Rudinës, gajasuni me pasojat e Lulzim Bashës, se Ramën nuk ju lë ai ta qeshni./Elvi FUNDO – CNA.al





Lajmet e fundit nga