web counter
LEXO PA REKLAMA!

SHKARKO APP

App Store
Google Play

E fundit!

x

Thellohet skandali i Bledi Çuçit/ Tender 1.5 miliardë për 2 muaj punime

4 Shtator 2019, 10:15, Aktualitet CNA

Ministria e Bujqësisë është përfshirë në një skandal, ku 300 milionë lekë nga taksat e shqiptarëve hidhen në xhepat e korrupsionit, si abuzim i një skeme me tenderat publikë.

CNA.al raportoi dje tenderin e zhvilluar nga Ministria e Bujqësisë, ku fitues ishte shpallur firma e cila ishte ofertuesja me vlerën me të lartë, gati 300 milionë lekë më shumë sesa ofertuesja e parë. Një skandal që tregohet qartë nga vetë shpallja publike berë në APP nga vetë ministria. Por përtej fituesit me vlerën më të lartë, që ngre çdo dyshim dhe akuzë se ka pasur një aferë të fortë korruptive dhe tenderi është i paravendosur, skandali thellohet më tej kur lexon njoftimin.

Aty thuhet ?Fondi limit: 163.860.449 (njëqind e gjashtëdhjetë e tremilion e tetëqind e gjashtëdhjetë mijë e katërqind e dyzet e nëntë) lekë pa TVSH. Kohëzgjatja e kontratës: 2 muaj nga nënshkrimi i kontratës?.

Ministria përtej faktit që ka shpallur fituesin me vlerën më të lartë (lexo këtu), dyshimeve për një tender të paravendosur dhe korruptiv, ju shtohet edhe një tjetër detaj. Shuma prej 1.55 miliardë lekë, e cila si vlerë punimesh do kryhej në vetëm pak ditë.

Sipas ministrisë është shpallur një fitues që do kryejë 1.55 miliardë lekë punime në Përroin e Zaranikës, në vetëm dy muaj dhe kjo periudhë fillon pas lidhjes së kontratës që ka një afat  60 ditë nga publikimi i njoftimit sipas ligjit.

Janë 1.55 miliardë lekë të cilat firma do i kryejë si punime në lumë në mes të vjeshtës e dimrit me 2 muaj kontratë, bashkë me ditët e pushimeve brenda, do faturojë minimalisht 30 milionë lekë në ditë?!

Fondi më shumë sesa investim në Përroin e Zaranikës, sa më thellë hyn në detaje, duket se është një vlerë e paracaktuar, me fitues të paracaktuar, me procedurë skandaloze ku abuzimi dyshohet të paktën 300 milionë lekë.

Ministria hesht, Prokuroria nuk lexon./CNA.al

Skandal në Ministrinë e Bujqësisë/ Tenderin e fiton firma që ofroi 300 milionë më shumë





Lajmet e fundit nga