web counter
LEXO PA REKLAMA!

SHKARKO APP

App Store
Google Play

Shënim-Habit Paloka/ Zgjedhje në pranverë me Edi Ramën

3 Shtator 2019, 20:28, Aktualitet CNA

Nga studioja e emisionit ?Opinion?, në ?News 24?, Edi Paloka, nënkryetari i PD-së, është shprehur edhe për mbajtjen e zgjedhjeve në pranverë me Edi Ramën. Një deklaratë vërtetë e habitëshme kjo nga që bie ndesh me çka PD ka artikuluar deri më sot.

Sepse po të ndjekësh dinamikën e deklaratave të PD-së, lidhur me zgjedhjet do konstatosh se mos-hyrja në zgjedhje me kryeministër Edi Ramën ka qenë kategorike. Ultimatumi: “Të ikë Rama!” ka qenë një këmbanë që Lulzim Basha e tundte fuqishëm si një kusht të patjetërsueshëm.

Në nisje të thirrjes për rrëzim të Ramës, Lulzim Basha lëshoi profecinë e ikjes së Edi Ramës në muajin prill. Kur erdhi prilli dhe Rama as nuk u rrëzua e as nuk iku, largimin e tij Basha e shtyu për në muajin qershor, kur tha se dhe zgjedhjet vendore nuk do të mbaheshin. Kur dhe në qershor Rama nuk ra, nuk u rrëzua, por dhe zgjedhjet u mbajtën rrëzimin e tij e shtynë për në shtator.

Dhe nga shtatori tashmë hyrjen në zgjedhje po e shtyjnë për në pranverë dhe jo pa Edi Ramën, por me Edi Ramën kryeministër.

“Ne po përgatitemi, besoj se do shkojmë në zgjedhje. Për pak kohë do na duhet të shkojmë në zgjedhje. 13 tetori është i rënë. Deri në pranverë, do shkojmë në zgjedhje bashkë me Ramën”, ka qenë fraza e artikuluar mbrëmjen e sotme nga Edi Paloka./ CNA.al





Lajmet e fundit nga