web counter
LEXO PA REKLAMA!

SHKARKO APP

App Store
Google Play

E fundit!

x

Armiqtë e socialistëve që pasurohen në krah të Ramës

4 Shtator 2019, 13:29, Aktualitet CNA

?Mjaft? e drejtuar në fillimet e saj nga Erion Veliaj, sot kryebashkiak i Tiranës, ishte një nga zërat më të fortë kundër qeverisë ?Nano?.

Në atë kohë, ?Mjaft? i dha goditjen përfundimtare qeverisë socialiste dhe këtë fakt socialistët e thjeshtë nuk e kanë harruar.

Por, ajo që bie në sy është fakti se ?Ish-mjaftistët? sot janë kthyer në socialistë, dhe për më tepër përfitojnë dhe pasurohen në krah të kreut të PS-së, Edi Rama.

Drejtuesit e atëhershëm të ?Mjaft? që kontribuan në rrëzimin e qeverisë të Partisë Socialiste, sot qeverisin vendin nën logon e ?Rilindjes?. Këta persona e sulmuan Partinë Socialiste në atë kohë, e morën peng dhe tani drejtojnë vendin me skandale dhe afera korruptive.

E fillojmë me ish-drejtuesin e ?Mjaft?, Erion Veliajn. I vetëpagëzuari me emrin ?Lali Eri?, ai i cili pretendon se është ?djali punëtor? i Tiranës është një ndër personat që ka investuar më shumë për rrëzimin e socialistëve nga pushteti dhe kundër Fatos Nanos.

Por, për më tepër ish-mjaftisti i konvertuar në socialist, Erion Veliaj, sot rezulton të jetë një milioner.

Veliaj pretendon se ka ndryshuar Tiranën, por të dhënat tregojnë se ka ndryshuar më shumë pasurinë e tij. I mbytur në skandale, Veliaj ka shtuar pasurinë nga viti në vit.  CNA.al ka zbardhur pasurinë e Veliaj, atë që ai ka deklaruar, të cilën mund ta lexoni këtu.

Shkojmë më tej tek krahu i djathtë i tij në krye të Bashkisë së Tiranës. Nënkryetari i Bashkisë së Tiranës, Arbjan Mazniku, i cili mund të cilësohet si një ?borxhez? i vogël i Bashkisë së kryeqytetit.

Në deklaratat e pasurisë, që ka CNA.al, të paktën deri në vitin 2016, Mazniku deklaron një pasuri të patundshme shumë herë më të madhe se pagat që merr ai dhe bashkëshortja.

Por, për të qenë dhe më besueshëm deklaron dhe disa kredi.

Ai deklaron të ardhurat nga Ministria e Arsimit, kur bënte zëvendësministrin, të ardhurat i Këshillit Bashkiak në Bashkinë e Tiranës dhe më pas të ardhurat si nënkryetar i Bashkisë së Tiranës dhe ai anëtarë  Bordin e Shoqërisë Aksionere Eko.

Ndërsa bashkëshortja e tij, deklaron të ardhura shefe e kabinetit të kryetarit të PS, si këshilltare për Marrëdhëniet me Parlamentin për të vijuar më tej si Këshilltare pranë Kabinetit të Kryeministrit dhe si anëtare e bordit te Posta Shqiptare sh.a.

Me gruan tek kryeministri  Rama dhe vetë tek kryebashkiaku Veliaj, Mazniku është shndërruar një një borgjez të vogël sa hap dhe mbyll sytë, duke u tallur me shqiptarët. (lexo këtu)

Më tej kemi ?vëllain? e Erion Veliajt, ai i cili thuhet se qëndron pas propagandës së kryeministrit Edi Rama, dhe që thuhet se kontrollon politikën redaksionale të shumë mediave në vend, Endri Fuga.

Dikur një antisocialist i çmendur, në krah të Erion Veliajt si ?vëlla? i  tij tek ?Mjaft?, Endri Fuga ishte përballë Qeverisë së Fatos Nanos dhe socialistëve kur protestonte i mbështetur nga militantët demokratë që çonte Flamur Noka përpara Kryeministrisë.

Drejtori i Informacionit i kryeministrit  Edit Rama, që zyrtarisht deklarohet si këshilltar, Endri Fuga, rezulton me një pasuri marramendëse.

Themi marramendëse për shkak të viteve të punës që ai deklaron. Nga viti 2013 deri ne vitin 2018, kohë kur ka bërë deklaratën e fundit të pasurisë, Fuga numëron disa llogari bankare, jo vetëm në lekë, por edhe në euro dhe dollarë, por edhe pasuri të patundshme. (lexo këtu)

Po nuk ngelet pas edhe Ministrja e Shtetit për Marrëdhëniet me Parlamentin, Elisa Spiropali.

Ish mjaftistja që dikur protestonte kundër Gramoz Ruçit, Bashkim Finos, etj, tashmë është në kabinet me Pandeli Majkon dhe Erion Braçen.

Elisa Spiropali, nga ?mjaftistja? me bluzë të grisur, sot është milionere.

Kur Elisa Spiropali u emëruar si drejtoreshë e Përgjithshme e Doganave nga Edi Rama, ajo kishte deklaruar 15 mijë euro të kursyera nga puna e kryer në institucione të ndryshme deri në tetor të vitit 2013.

Po ashtu, kishte edhe një makinë tip Opel me vlerë 200 mijë lekë siç vetë Spiropali ka deklaruar në Formularin e Deklarimit të Pasurisë si dhe një makinë tip ?Mini Cooper? në përdorim ( e regjistruar në emrin e një personi tjetër). (lexo këtu)

Të gjithë personat e sipërpërmendur nuk kanë dhënë ndonjë kontribut të vecantë në PS. Duke filluar nga Veliaj, Fuga, Spiropali apo Mazniku, ardhja e tyre në drejtimin e ?Rilindjes? ka lënë jashtë me qindra militantë të Partisë Socialiste, drejtues të hershëm, apo kontribues në kohën kur Rama ishte në opozitë./ CNA.al





Lajmet e fundit nga