web counter
LEXO PA REKLAMA!

SHKARKO APP

App Store
Google Play

Mbështetje tek vetja jote", rregulli i ri për imigrantët në SHBA

12 Gusht 2019, 17:00, Kosova & Bota CNA

Administrata e Presidentit Trump njoftoi të hënën një rregull të ri që mund t?u mohojë vizat dhe qëndrimin e përhershëm qindra mijëra njerëzve nëse janë tepër të varfër.

Rregulli, i cili pritej prej një kohe të gjatë, hyn në fuqi 15 tetor dhe refuzon aplikantët për viza të përkohshme ose të përhershme nëse nuk përmbushin standardet e të ardhurave ose nëse ata varen nga asistenca publike, siç janë pagesë papunësie, kupon ushqimor apo shërbim mjekësor falas.

Një ndryshim i tillë do të kërkonte që imigrantët “të mbështeten në veten e tyre dhe të mos varen nga burimet publike për të përmbushur nevojat, por të mbështeten tek aftësitë e tyre, si dhe te burimet e anëtarëve të familjes, sponsorizuesve dhe organizatat private,” thuhet në një njoftim të qeverisë, të raportuar nga radioja Zeri i Amerikës.

“Parimi në të cilin mbështet kjo është një vlerë e vjetër amerikane që quhet mbështetje tek vetja jote,” tha një zyrtar i cituar po nga i njejti burim.

Reforma është pjesë e përpjekjeve të Presidentit Donald Trump për të frenuar imigracionin e ligjshëm dhe të paligjshëm, një çështje që ai e ka vënë në themel të presidencës së tij.





Lajmet e fundit nga