E fundit!

20:38 Aktualitet

Përballë Nokës për postin e Sekretarit të Përgjithshëm të PD-së/ Korreshi: Ja kur e mora vendimin për të garuar

Deputeti Saimir Korreshi është vendosur përballë Flamur No...

Ekskluzive- Flet Paulin Gega: Nuk jam arratisur, jam me pushime/ Gati të përballem me institucionet

10 Gusht 2019, 08:43, Aktualitet CNA

Sot në mengjes policia ka njoftuar bllokimin e aktivitetit të kompanisë Gega Oil duke e akuzuar për evazion fiskal pasi task forca pretendon se pompat e furnizimit ishin me regjim manual.

CNA.al ka kontaktuar Paulin Gegën, i cili është akuzuar nga policia dhe hetimi tatimor dhe materialet e mësipërme i janë referuar Prokurorisë.

I pyetur nga CNA.al në lidhje me akuzat në emrin e tij ai theksoi se gjithçka e ka mësuar sot nëpërmjet portaleve.

Paulin Gega thekson se nuk ka asnjë pikë pakice dhe asnjë pikë shumice të bllokuar. Sipas të njëjtit, pas kontrollit të bërë për funksionimin e pompave në Vrrinë u provua se nuk funksiononte regjimi automatik i pompave, por në fakt fatura fiskale printohet. Është bërë bllokimi për një ditë dhe të nesërmen, pas kontrollit të drejtorisë së meteorologjisë, pompat janë sërish në aktivitet. Gjithçka funksionon në rregull dhe konform ligjit. Problemet që mund të kenë sistemet e transmetimit të kompanive të tjera që ofrojnë shërbimet në lidhje me kasat fiskale nuk janë të kompanisë Gega Oil dhe unë jam i gatshëm të shkojë të përballem që sot në polici, në Gjykatë, në Prokurori dhe kudo ku të jetë e nevojshme.

?Kam qenë në dijeni të një kontrolli pak ditë më parë ku pretendohet se pompat e furnizimit me shumicë në Vrrinë në autostradë janë me regjim manual, pasi ka zhvilluar një kontroll, ata kanë konstatuar dhe pretenduar se pompat nuk ushtronin regjim automatik dhe nuk ishin të certifikuara,? tha Gega për CNA.al.

Më tej pronari i Gega Oil, sqaron se pompat janë kolauduar sipas rregullave në vitin 2012 dhe për këtë na vë në dispozicion dokumentin përkatës të cilin po e publikojmë më poshtë.

Paulin Gega shprehet, se janë dy kompani, një e shitjes me shumicë dhe një e shitjes me pakicë, pretendimi i ngritur është tek pika e shumicës në Vrrinë dhe nuk ka asnjë arsye dhe argument ligjor, për mbylljen e pikave të shitjes me pakicë apo akuza në lidhje me këtë aktivitet. Ai thekson se është i gatshëm të përballet me organet kompetente, për të dhënë çdo sqarim, për të vënë në dispozicion çdo dokumentacion dhe çdo pretendim të ngritur.

?Unë ndodhem në Greqi me pushime sipas një rezervimi të bërë disa muaj më parë, nuk jam arratisur nga Shqipëria, por jam larguar dy ditë më parë me familjen në Greqi për pushime vere. Jam i gatshëm të vë në dispozicion gjithçka për autoritetet duke theksuar se asgjë nuk është e vërtetë në lidhje me pretendimet se unë jam arratisur, se kompania ka kryer evazion fiskal apo pompat kanë qenë të pacertifikuara,? theksoi pronari i kompanisë Paulin Gega, për CNA.al./CNA.al

Kush Ã«shtÃ« kompania ‘Gega Oil”, e bllokuar sot nga Policia?